Onlayn ictimai-siyasi qəzet
Dünyaca məşhur “National Geographic” kanalının İnstaqram hesabında qalmaqallı paylaşım edilib.
Musavat.com xəbər verir ki, fotoda yer alan terror təşkilatı PKK-nın Suriya uzantısı olan YPG-nin qadın terrorçuları “qəhrəman” kimi göstərilib.
Sözügedən fotolar fotoqraf Erin Triebin tərəfindən çəkilib.
“National Geographic” Triebin sözlərini də paylaşıb: “Səyahətlərim zamanı bütün dünyada inanılmaz qadınlarla tanış oldum – heç biri Suriya Qadınları Müdafiə Birliyi YPG-dən daha dinamik və cəsarətli deyil”.
Terrorçu qadınların “qəhrəman” kimi göstərildiyi paylaşımda YPG-nin qadın əsgərlərinin ailə qurmamağa və uşaq sahibi olmamağa üstünlük verdiyi qeyd edilib.
"Kürdlər arasında qadın döyüşçülərin qadın tərəfindən öldürüldüyü təqdirdə cənnətə düşməyəcəyinə inanılır" - fotoqraf deyib.
Bundan əlavə, paylaşımda Xarici Terror Təşkilatları Siyahısında olmasına baxmayaraq, ABŞ-ın PKK-ya dəstək verdiyi açıq şəkildə ifadə edilib:
“YPG-nin İŞİD-lə mübarizədəki rolunu nəzərə alaraq ABŞ PKK-nın qardaş qrupu olan YPG-ə 2014-cü ildən bəri dəstək verir. Biz tərəfi dəstəkləməyə və koordinasiya etməyə, onları silah, vəsait və pulla təmin etməyə davam edirik."
Trieb sosial media hesabında fotoların 2014-cü ildə Suriyanın şərqində və ya İraqda çəkildiyinə diqqət çəkib. 2014-cü ildə çəkilmiş fotoşəkillərin indi təqdim edilməsi "qavrayış əməliyyatı" kimi şərh edilib.
Musavat.com
08 Oktyabr 2024
ŞƏRHLƏRŞƏRH YAZ