Onlayn ictimai-siyasi qəzet
TƏCİLİ! Bakıda “Rus evi” hüquq-mühafizə orqanlarının gücləndirilmiş nəzarətinə alındı
Bakıda fəaliyyət göstərən “Rus evi” (“Rossotrudniçestvo”) Azərbaycan hüquq-mühafizə orqanlarının gücləndirilmiş nəzarətinə alınıb. Musavat.com Minval.az-a istinadən xəbər verir ki, binanın giriş-çıxışlarına xüsusi nəzarət tətbiq edilib, əraziyə müşahidə kameraları quraşdırılıb. Eyni zamanda, operativ nəzarətin də həyata keçirildiyi ehtimal olunur.
Bundan başqa, Minval.az-ın apardığı araşdırmalar nəticəsində məlum olub ki, “Rus evi”nin Azərbaycanda rəsmi dövlət qeydiyyatı mövcud deyil. Bu fakt, indiyə qədər müvafiq qurumların diqqətindən yayınsa da, belə bir mərkəzin hüquqi əsaslar olmadan fəaliyyət göstərməsi, qanunvericiliyə uyğun olaraq onun bağlanmasını tələb edir.
“Rus evi”nin fəaliyyəti ilə bağlı ciddi suallar yaranır. USAID-in fəaliyyəti kimi, bu təşkilatın da formal olaraq “humanitar layihələr” və “yumşaq güc” prinsipləri adı altında başqa məqsədlər güddüyü ehtimal edilir. Qeyd edək ki, USAID-in rəhbəri Samanta Pauer Azərbaycana və Türkiyəyə qarşı açıq düşmən münasibəti ilə tanınır. O, həmçinin hazırda terrorizm də daxil olmaqla bir sıra ağır cinayətlərə görə məhkəmə qarşısına çıxarılan Ruben Vardanyanla yaxın əlaqələrə malikdir.
Qeyd edək ki, “Rossotrudniçestvo”nun rəhbəri Yevgeni Primakovdur. O, 1990-cı il 20 Yanvar hadisələrinin əsas təşkilatçılarından biri olmuş Yevgeni Primakovun nəvəsidir. Məhz Primakovun rəhbərliyi ilə sovet qoşunları Bakıda dinc əhaliyə qarşı qanlı qırğın törədib.
Azərbaycan ictimaiyyəti və ekspertləri hesab edirlər ki, Bakıda qeyri-qanuni fəaliyyət göstərən təşkilatlarla bağlı addımların atılması və onların əsl məqsədlərinin araşdırılması vacibdir.
Musavat.com
XƏBƏR LENTİ
04 Fevral 2025
03 Fevral 2025
ŞƏRHLƏRŞƏRH YAZ