Onlayn ictimai-siyasi qəzet
Tarix bəlli oldu, ilk addımlar atıldı - Rusiyadan mühüm TÜRKİYƏ AÇIQLAMASI
"Qazprom rəsmiləri Türkiyədə təbii qaz paylama mərkəzinin yaradılması üçün türk səlahiyyətliləri ilə görüşür. Türkiyədəki bu mərkəz qiymət mexanizmi üçün lazımi alətləri təmin edə bilər".
Musavat.com xəbər verir ki, bu sözləri Rusiya baş nazirinin müavini Aleksandr Novak Rusiya dövlət televiziyasına açıqlamasında deyib.
O bildirib ki, mərkəzin yaradılması ilə bağlı qərarın 2023-cü ildə qəbul ediləcəyi gözlənilir.
Novak vurğulayıb ki, “Şimal axını” qaz kəmərlərinə dəyən ziyanla bağlı aparılan araşdırmanın nəticələrini müzakirə etmək hələ tezdir.
Rusiya prezidenti Vladimir Putin Türkiyədə qurulması planlaşdırılan mərkəzlə bağlı son açıqlamasında bildirib ki, paylama mərkəzi bir-iki ay ərzində elektron şəkildə müştərilərə qazın qiymətini müəyyən edə biləcək:
“Dünyanın enerjiyə ehtiyacı var və gələcəkdə də olacaq. Rusiya öz təbii qazını perspektiv bazarlara satmağa davam edəcək. Bu mənada qonşumuz Türkiyə mühüm müştərimizdir və bilirsiniz ki, biz bir neçə ildən sonra Türkiyədə Avropa üçün qaz paylama mərkəzi yaratmağı planlaşdırırıq. Hətta layihə tam fəaliyyətə başlamazdan əvvəl biz bir-iki ay ərzində İstanbul paylama məntəqəsində elektron qaz satışı əməliyyatlarına başlamaq üçün Türkiyə tərəfi ilə işləyə bilərik. İstanbuldakı ortaq elektron platforma Avropadan alıcılar üçün qazın qiymətini müəyyən edəcək”.
Türkiyə Prezidenti Rəcəb Tayyib Ərdoğan isə mövzü ilə bağlı deyib:
“Məqsədimiz ölkəmizi ən qısa zamanda təbii qazın istinad qiymətinin təyin olunduğu qlobal mərkəzə çevirməkdir. Əziz dostum cənab Putinlə mühüm görüşlərimiz oldu. Biz addımlarımızı atırıq”.
Nigar Cəfərli,
Musavat.com
XƏBƏR LENTİ
12 Oktyabr 2024
ŞƏRHLƏRŞƏRH YAZ