Onlayn ictimai-siyasi qəzet
SON DƏQİQƏ! Yuxarı Qarabağ kanalında bənd uçdu, kəndləri su basdı - VİDEO
Yuxarı Qarabağ kanalının Bərdə rayon ərazisindən keçən hissəsində bənd uçub.
"Report"un Qarabağ bürosunun məlumatına görə, hadisə kanalın Ərəblər və Qaraqoyunlu kəndləri ərazisindən keçən hissəsində qeydə alınıb.
Nəticədə kanaldan təzyiqlə axan su həmin kəndlərin bir hissəsinə dolub.
Fövqəladə Hallar Nazirliyindən (FHN) isə "Report"a bildirilib ki, Yuxarı Qarabağ su kanalının Bərdə rayonunun Qaraqoyunlu kəndindən keçən hissəsində bəndin bir hissəsinin uçması nəticəsində ətraf ərazilərin subasmaya məruz qalması barədə məlumat daxil olub.
Məlumatla əlaqədar FHN-in Qarabağ və Gəncə Regional mərkəzləri, Dövlət Yanğından Mühafizə Xidməti və Kiçikhəcmli Gəmilərə Nəzarət və Sularda Xilasetmə Dövlət Xidmətinin qüvvələri zəruri təhlükəsizlik tədbirlərinin görülməsi məqsədilə dərhal əraziyə cəlb olunub, aidiyyəti dövlət qurumları məlumatlandırılıb.
Hazırda su basmasının qarşısının alınması üçün müvafiq işlər aparılır.
@@TVmusavat/66209@@
XƏBƏR LENTİ
24 Sentyabr 2024
ŞƏRHLƏRŞƏRH YAZ