Onlayn ictimai-siyasi qəzet
SOCAR İtaliyada dəyəri 3 milyard dollar olan zavodu alır
Ümumdünya əmtəə treyderi "Gunvor" və Azərbaycan Dövlət Neft Şirkəti (SOCAR) "Italiana Petroli" neft emalı şirkətini almaq yarışında başabaş gedir.
Anews.az xəbər yayıb ki, bu barədə üç mənbə cümə günü "Reuters"-ə bildirib.
Mayın sonunda yekun təkliflərin veriləcəyi son tarixdir.
Mənbələrin sözlərinə görə, Əbu-Dabidə yerləşən "Bin Butti Group" da təklif verməyi planlaşdırır, lakin şirkət satış prosesinə yalnız son vaxtlar qoşulduğu və emal müəssisəsini öyrənmək üçün az vaxtı olduğu üçün onun şansları aşağı qiymətləndirilir.
İki mənbənin bildirdiyinə görə, satıcı Braketti Peretti ailəsi şirkətin 100%-ni təxminən 3 milyard avro (3,4 milyard ABŞ dolları) qiymətləndirməyi gözləyir. Ötən il şirkət 500 milyon avroya yaxın düzəliş edilmiş əsas gəlir (EBITDA) əldə edib və dekabrın sonunda 408 milyon avro xalis nağd vəsaiti olub.
"Gunvor" və "Italiana Petroli" şərh verməkdən imtina ediblər. SOCAR və Bin Butti isə şərh üçün əlçatan olmayıblar.
"Italiana Petroli"nin satışı ötən il "Vitol"-un Moratti ailəsindən İtaliyanın digər neft emalı şirkəti Sarası almasının ardınca baş verir ki, bu da özəl investorların dəyişkən sektorları tərk etməyə olan marağını göstərir.
"UniCredit"in məsləhət verdiyi IP-nin ümumi gündəlik emal gücü təxminən 200 min bareldir və 4600 yanacaqdoldurma məntəqəsindən ibarət şəbəkəsi var.
Qrup 2023-cü ilin sonlarında "Exxon Mobil"in İtaliyadakı aktivlərini alaraq emal və yanacaq saxlama imkanlarını artırıb.
Hazırda IP İtaliyanın şərqində Ankona şəhərində, şimalında Trecate şəhərində SARPOM zavoduna sahibdir və şimal-şərqdə Ravenna şəhərində Alma zavodu üçün tol şirkət kimi fəaliyyət göstərir.
"Trecate" zavodu müxtəlif növ yanacaqlar, o cümlədən aviasiya yanacağı istehsal edir, digər iki müəssisə isə əsasən bitum istehsalı ilə məşğuldur.
Mənbələr bildiriblər ki, həm SOCAR, həm də Gunvor şirkəti dərin təhlil edib və yekun təkliflərini hazırlamaq üçün IP-nin sənaye obyektlərinə baş çəkiblər.
SOCAR-ı İtaliyanın Intesa Sanpaolo IMI CIB bankı, "Gunvor"u isə "Rothschild" müşayiət edir.
XƏBƏR LENTİ
01 Iyun 2025
ŞƏRHLƏRŞƏRH YAZ