Onlayn ictimai-siyasi qəzet
Sınıq sümükləri birləşdirir: Nənələrin 40 illik resepti
İllər keçdikcə ənənəvi reseptlərin faydaları yenidən kəşf olunur. Xüsusilə böyüklərimizin bizə ötürdüyü sağlamlıq sirləri əvəzedilməzdir.
Təbii müalicə üsulu
Bu şorba, ilik və sümükdən qaynadılaraq əldə edilən qidalar sayəsində sümükləri gücləndirir və onların daha tez sağalmasına kömək edir. Sümük bulyonundakı kollagen oynaq sağlamlığını dəstəkləyir və ağrıları azaldır.
Sarımsağın rolu
Sümükləri qaynadarkən əlavə edilən sarımsaq təkcə ləzzət qatmaqla kifayətlənmir, eyni zamanda antioksidant və antibakterial xüsusiyyətləri ilə immunitet sistemini gücləndirir. O, həmçinin orqanizmin kalsiumu daha yaxşı mənimsəməsinə kömək edərək, sümüklərin möhkəmlənməsinə və qırıqların daha tez sağalmasına şərait yaradır.
Bu şorba həmçinin həzm sistemini tənzimləyir, toksinləri xaric edir və bədəni ümumi sağlamlıq baxımından dəstəkləyir. Müntəzəm istehlak edildikdə, osteoporozun qarşısını almağa və oynaq ağrılarını azaltmağa kömək edir.
Sarımsaqlı sümük suyu şorbasının resepti
Lazım olanlar:
– 1 kq sümük (mal əti və ya quzu iliyi sümükləri)
– 2 baş sarımsaq
– 2 xörək qaşığı alma sirkəsi
– 1 çay qaşığı duz (isteğe bağlı)
– 1 çay qaşığı qara bibər
– 1 soğan
– 2 dəfnə yarpağı
– 1 yerkökü (isteğe bağlı)
– 10 stəkan su
– 1 çay qaşığı kəklikotu və ya digər otlar (isteğe bağlı)
Hazırlanma qaydası:
- Sümükləri qazana qoyun və üzərinə soyuq su əlavə edin. Qaynadıqda üzərində yaranan köpüyü təmizləyin.
- Sarımsağı soyun və bütöv halda qazana əlavə edin. Soğanı yarıya bölüb əlavə edin. Yerkökünü iri parçalara kəsin və qazana qoyun.
- Dəfnə yarpağı, duz, istiot və kəklikotu əlavə edin.
- Alma sirkəsini əlavə edin. Bu, mineralların və kollagenin sümüklərdən ayrılmasına kömək edir.
- Şorbanı qaynadın, sonra ocağı azaldaraq 6-8 saat ərzində aşağı temperaturda bişirin. Əgər su azalarsa, əlavə edə bilərsiniz.
- Bişdikdən sonra süzgəcdən keçirin və yalnız bulyonu saxlayın. İstəyə bağlı olaraq əlavə ədviyyatlar qata bilərsiniz.
Müntəzəm olaraq bu şorbanı istehlak etməklə sümüklərinizi gücləndirə və sağlamlığınızı qoruyabilirsiniz.//E-saglam.az
XƏBƏR LENTİ
22 Mart 2025
21 Mart 2025
ŞƏRHLƏRŞƏRH YAZ