Onlayn ictimai-siyasi qəzet
“Shell” Nigeriyada qurudakı neft yataqlarından çıxır
Dünyanın ən böyük enerji nəhənglərindən olan “Royal Dutch Shell” neft və qaz konserni Nigeriyada qurudakı neft və qaz bölməsini 2,4 milyard dollara “Renessans” konsorsiumuna satır.
Musavat.com xəbər verir ki, Shell Petroleum Development Company of Nigerianın (SPDC) alıcıları ilkin olaraq 1,3 milyard dollar, satış prosesi bağlandıqdan sonra isə 1,1 milyard dollar ödəyəcəklər.
Konsorsiuma Nigeriyanın ND Western, Aradel Energy, First E&P və Waltersmith şirkətləri, həmçinin Avstraliyanın Petrolin şirkəti daxildir.
1930-cu illərdən Nigeriyada fəaliyyət göstərən “Shell”, ölkənin ofşor yataqlarının operatoru olaraq qalacaq.
Qeyd edək ki, Böyük Britaniya-Niderland şirkəti olan “Shell”in səhmləri 0,4 faiz ucuzlaşıb. Son üç ayda şirkətin kapitallaşması 11,6 faiz azalaraq 159,5 milyard funt-sterlinqə (201,5 milyard dollar) düşüb.
Musavat.com
XƏBƏR LENTİ
23 Noyabr 2024
ŞƏRHLƏRŞƏRH YAZ