Onlayn ictimai-siyasi qəzet
Sevastopol yaxınlığında kəşfiyyat dronu aşkarlanıb - Niyə vurmayıblar?
ABŞ hərbi hava qüvvələrinə məxsus strateji kəşfiyyat xarakterli pilotsuz uçuş aparatı (PUA) Qara dənizin neytral sularında görüntülənib.
Musavat.com xəbər verir ki, bu barədə “Tape.ru” saytı uçuş izləmə portalı Flightradar-ın məlumatından xəbər tutub.
Bildirilir ki, FORTE12 çağırış nişanlı RQ-4B Global Hawk pilotsuz təyyarəsi NATO-nun İtaliyya məxsus Siciliya adasındakı Siqonella hərbi-hava bazasından havaya qalxıb və Moskva vaxtıyla saat 10:30-da Rusiyanın cənub əraziləri ərazisində müşahidə edilib.
Pilotsuz təyyarə Sevastopoldan düz xəttlə təxminən 120 kilometr məsafədə Krım sahilləri boyunca dövrə vurmağa başlayıb. Uçan aparat altı saat kəşfiyyat məlumatları toplayıb, verilmiş trayektoriya üzrə 15-16 kilometr hündürlükdə orta hesabla saatda 900 kilometr sürətlə irəli-geri hərəkət edib.
Xəbər verilir ki, NATO ölkələrinin Rusiyada casusluq, kəşfiyyat işləri aparan təyyarə və dronlarının ölkə üzərində görünməsi tez-tez baş verir. Bu təyyarələr əvvəllər Ukraynanın münaqişə zonası yaxınlığında, eləcə də Kalininqrad vilayəti regionunda və Rusiyanın şimal ərazilərində peyda olub.
Fevralın 8-də Kiyev nümayəndələrinin Rusiyadakı hədəflərə zərbə endirmək çağırışı fonunda Qara dəniz üzərində oxşar Amerika qurğusu müşahidə edilib. Daha sonra pilotsuz təyyarə Krım və Kuban sahilləri boyunca dövrə vurub.
Ancaq maraqlıdır, Rusiya kimi HHM sistemi güclü olan ölkə nə əcəb 6 saat səmada pərvaz edən həmin kışfiyyat təyyarəsini vurub salmayıb?
Musavat.com
XƏBƏR LENTİ
06 Oktyabr 2024
05 Oktyabr 2024
ŞƏRHLƏRŞƏRH YAZ