Onlayn ictimai-siyasi qəzet
Serbiya “Qazprom”u ölkədən tamamən çıxartmağa hazırdır – Vuçiçdən şok açıqlama
Serbiya Rusiya “Qazprom”unun 56,15 faiz paya malik olduğu NIS şirkətinə qarşı sanksiyalar çərçivəsində Vaşinqtondan istənilən tələblərə hazırdır.
Musavat.com xəbər verir ki, bunu Serbiya prezidenti Aleksandr Vuçiç Serbiya Radio və Televiziyasına müsahibəsində deyib.
Vuçiç bildirib ki, ölkəsinin “Qazprom”un payını almaq üçün yetərincə vəsaiti var: “İnanıram ki, biz ABŞ-ın tələbləri ilə bağlı yanvarın 10-da və ya 13-də bir sənəd alacağıq. Yalnız iki naməlum var: bu, Rusiyanın bütün iştirakına aiddir, yoxsa yalnız nəzarət paketinə, ikincisi isə tələblərin yerinə yetirilməsi vaxtıdır. Bizim Rusiya payını dərhal satın almaq üçün pulumuz var”. Vuçiçin sözlərinə görə, lazım gələrsə, Belqrad ABŞ-ın məhdudiyyətləri səbəbindən ölkədə böhranın qarşısını almaq üçün bütün Rusiya payını öz hesabına almağa hazırdır.
Vuçiç daha əvvəl bildirmişdi ki, Vaşinqtonun NIS-ə qarşı sanksiyalar tətbiq etməsi ilə bağlı məlumatın təsdiqlənməsi ilə əlaqədar yanvarın 25-27-də Rusiya lideri Vladimir Putinlə telefon danışığı tələb edəcək. Eyni zamanda, o, əvvəllər qeyd edib ki, ABŞ-ın Rusiyanın onun səhmlərinə sahib olması səbəbindən NIS-ə qarşı sanksiyalar tətbiq etmək qərarı Belqradın anti-Rusiya məhdudiyyətlərinə qoşulmaqdan imtina etməsinə təsir etməyəcək. Vuçiç hökumətə Vaşinqtonun NIS-ə qarşı sanksiyalar tətbiq etmək planlarına görə Rusiya və ABŞ ilə danışıqlar aparmaq üçün işçi qrupu yaratmağı tapşırıb.
Rusiya Prezidenti 2024-cü ilin martında bildirib ki, “Qazprom Neft” şirkəti Serbiyanın ən böyük vergi ödəyicisidir, çox səmərəli işləyir və innovasiyalar sahəsində çox işlər görür. Şirkət Serbiya NIS-in 50 faizdən çoxuna sahibdir. 2023-cü ildə ölkə büdcəsinə vergi və digər ödənişlər 244,4 milyard dinar (12 mart 2024-cü il tarixinə olan məzənnə ilə 2,28 milyard dollar) təşkil edib.
NIS Cənub-Şərqi Avropanın ən böyük şaquli inteqrasiya olunmuş enerji sistemlərindən biridir. Neft və qazın kəşfiyyatı və hasilatı, neft məhsullarının marketinqi, elektrik enerjisinin istehsalı və ticarəti, neft-kimya layihələrinin həyata keçirilməsi ilə məşğuldur. Əsas istehsal müəssisələri Serbiya, Bosniya və Herseqovina, Bolqarıstan, Rumıniya və Macarıstanda yerləşir. Əsas səhmdarlar Qazprom Neft (56,15 faiz səhm) və Serbiya dövlətidir (29,87 faiz).
Musavat.com
XƏBƏR LENTİ
07 Yanvar 2025
ŞƏRHLƏRŞƏRH YAZ