Onlayn ictimai-siyasi qəzet
Rusiyanın sərhəd şəhəri OD içində: neft stansiyası VURULDU, Krım təkrar BOMBALANDI – CANLI
Ukrayna Silahlı Qüvvələri gecə saatlarında Rusiyanın Bryansk vilayətində yerləşən strateji neft nasos stansiyasına zərbələr endirib. Bu stansiya Rusiya ordusunu dizel yanacağı ilə təmin edən əsas obyekt hesab olunur. Hücum nəticəsində stansiyada yanğın baş verib, dəymiş ziyanın ümumi həcmi hələ dəqiqləşdirilir.
Musavat.com "RBC-Ukrayna"ya istinadən xəbər verir ki, məlumat Ukrayna Silahlı Qüvvələrinin Baş Qərargahına istinadən yayımlanıb.
Baş Qərargah bildirir ki, avqustun 29-na keçən gecə Ukrayna Müdafiə Qüvvələrinin bölmələri Naytopoviç qəsəbəsi yaxınlığındakı istehsalat stansiyasına kompleks atəş zərbəsi endirib.
Qeyd olunur ki, bu stansiya xüsusilə Rusiya işğalçı qüvvələrinin ehtiyacları üçün magistral neft məhsulları kəmərləri ilə dizel yanacağı vurur. Onun nasos gücü ildə təxminən 10,5 milyon ton təşkil edir.
Hücum Ukrayna Silahlı Qüvvələrinin Xüsusi Əməliyyat Qüvvələri və Ukrayna Təhlükəsizlik Xidməti ilə birgə, həmçinin raket-artilleriya qoşunları və Pilotsuz Sistemlər Qüvvələrinin bölmələrinin iştirakı ilə həyata keçirilib. Hazırda obyektin ərazisində yanğın davam edir, dəymiş ziyanın tam miqyası araşdırılır.
Qeyd edək ki, bu gün səhər saatlarında Ukrayna kəşfiyyatçıları Krımda Rusiyanın “S-400” radar sistemini uğurla vurublar. Bundan əlavə, dünən Rusiyanın “Kalibr” qanadlı raketlərinin daşıyıcısı olan “Buyan-M” kiçik raket gəmisinə də zərbə endirildiyi bildirilib.
TVMusavat-ın canlı yayımlanan “Həftə içi” verilişində aparıcı Emil Salamoğlu siyasi ekspert Vaqif Hüseynlə gündəmi müzakirə edir.
XƏBƏR LENTİ
01 Sentyabr 2025
ŞƏRHLƏRŞƏRH YAZ