Onlayn ictimai-siyasi qəzet
Bu gün işə başlayan Davos İqtisadi Forumunun iştirakçıları arasında Rusiyanın bir nümayəndəsi də yoxdur.
Musavat.com xarici agentliklərə istinadən xəbər verir ki, forum iştirakçılarının siyahısında Asiyanın digər böyük dövləti - Çin də rəsmi şəkildə yüksək səviyyədə təmsil olunmur.
“Ukraynadakı müharibə və Rusiyanın Qərbdə məruz qaldığı ostrakizm oliqarxların iştirakına tamamilə mane olub”, - deyə bununla bağlı yayılmış hesabatda deyilir.
Çin nümayəndələrinin foruma gəlişinə isə ölkədə tüğyan edən COVID-19 epidemiyası və bazarların çökməsi səbəb olub. Kommunist rejimi baş nazirin müavini Liu He təmsil edəcək.
Eyni zamanda, forumda 116 milyarderin iştirakı gözlənilir ki, bu da 10 il əvvəlkindən 40% çoxdur. Xüsusilə, Fars körfəzi ölkələrinin və Hindistanın nümayəndələrinin sayı artıb. Ən çox milyarder ənənəvi olaraq ABŞ-dan gəlib, Aİ ölkələrini 18 milyarder, Böyük Britaniyanı isə polad nəhəngi Lakşmi Mittal və onun övladları təmsil edəcək.
1990-cı illərdən başlayaraq Davos Forumunda iştirak bir tərəfdən rus iş adamları üçün prestij əlaməti, digər tərəfdən isə siyasi əhəmiyyət kəsb edirdi. Məlumdur ki, xüsusilə Davosda 1996-cı il prezident seçkilərində rus milyarderləri ortaq strategiya müəyyənləşdiriblər. Məhz 2000-ci ilin yanvarında Davosda Rusiya nümayəndə heyətinə “Cənab Putin kimdir?” sualı verilib. Rusiyalı iş adamları pandemiyaya qədər forumun aktiv iştirakçısı sayılırdılar.
Musavat.com
11 Oktyabr 2024
ŞƏRHLƏRŞƏRH YAZ