Onlayn ictimai-siyasi qəzet
Qazaxıstan ərazisində yerləşən Baykonur administrasiyasının rəhbəri Ukraynadakı müharibəyə səfərbər olunanlara, eləcə də könüllülərə 260 min rubl (3530 dollar) birdəfəlik ödəmə haqqında fərman imzalayıb.
Musavat.com xarici agentliklərə istinadən xəbər verir ki, sənəd administrasiyanın saytında dərc olunub.
Ödənişlərin maliyyələşdirilməsinin şəhər büdcəsi hesabına həyata keçirilməsi nəzərdə tutulur. Sənədə əsasən, nağd ödənişlər “sosial dəstək tədbiri kimi” qeyd olunur.
Qeyd edək ki, Baykonur şəhəri Rusiya tərəfindən 2050-ci ilə qədər Qazaxıstandan icarəyə götürülüb və Rusiya Federasiyasının federal şəhəri statusuna malikdir. Kirayə haqqı illik 115 milyon dollardır.
Musavat.com
10 Oktyabr 2024
09 Oktyabr 2024
ŞƏRHLƏRŞƏRH YAZ