Onlayn ictimai-siyasi qəzet
Rubiodan Brüsselə qara xəbər: “Tramp belə NATO istəmir”
ABŞ dövlət katibi Marko Rubio Brüsseldə NATO qərargahında çıxışı zamanı Avropalı müttəfiqlərə həm təsəlli, həm də açıq xəbərdarlıq etdi. O bildirdi ki, prezident Donald Tramp NATO-ya qarşı deyil – lakin alyansın mövcud formada qalması da artıq mümkün deyil.
Musavat.com xəbər verir ki, Rubio NATO-nun baş katibi Mark Rutte ilə birgə mətbuat konfransında çıxış edərək, Trampın uzun müddətdir alyans üzvlərini tənqid etdiyini xatırladıb. O, prezidentin NATO-dan çıxmaq niyyətində olmadığını desə də, bu qurumun funksional olmasının vacibliyinə toxunub:
“Tramp NATO-ya qarşı deyil. O, sadəcə, alyans üzvlərinin üzərinə düşən öhdəlikləri yerinə yetirmədiyi bir NATO-ya qarşıdır”, - deyə Rubio bildirib.
Rubio Trampın əsas tələbini də açıq şəkildə ifadə edib: Avropa ölkələri artıq öz müdafiələrinə daha çox sərmayə qoymalı və ABŞ-ın yükünü bölüşməlidirlər. Əks halda, ABŞ öz diqqətini başqa istiqamətlərə yönəldəcək.
Hazırda NATO-nun 32 üzvü var və onlardan yalnız az bir hissəsi hərbi büdcəsini ÜDM-in 2%-dən yuxarı səviyyədə saxlayır. Tramp isə dəfələrlə bəyan edib ki, bu ədalətsiz yük bölgüsünü qəbul etmir və ABŞ-ın “dünyanın jandarmı” rolunu davam etdirmək niyyətində deyil.
Müşahidəçilər bu açıqlamanı NATO-nun gələcəyi üçün geosiyasi siqnal kimi dəyərləndirirlər. Trampın ikinci prezidentliyi dönəmində, ABŞ-ın alyans qarşısında mövqeyi daha sərtləşə və transatlantik münasibətlərdə yeni balans dönəmi başlaya bilər.
Musavat.com
ƏLAQƏLİ XƏBƏRLƏR
XƏBƏR LENTİ
04 Aprel 2025
ŞƏRHLƏRŞƏRH YAZ