Onlayn ictimai-siyasi qəzet
Qazaxıstanın “FlyArystan” loukoster aviaşirkəti Aktau-Bakı reysinə başlayıb
Aprelin 1-də Qazaxıstanın “FlyArystan” aşağıbüdcəli aviaşirkəti Aktaudan Bakı şəhərinə birbaşa ilk reys həyata keçirib.
“Report” xəbər veririk ki, 2018-ci ildə təsis edilən “FlyArystan” Qazaxıstanın ilk loukoster aviaşirkətidir.
“FlyArystan”ın satış və marketinq direktoru Mədinə Bujinovanın sözlərinə görə, “Airbus A320” komfortlu təyyarələrlə Azərbaycanın paytaxtından Aktau şəhərinə birbaşa reys yerinə yetiriləcək.
“Şəhərlər təsadüfən seçilməyib. Belə ki, hər iki şəhər neft regionudur. Biz münasib qiymətlərlə rahat gediş təşkil edirik. Eyni zamanda Aktau şəhəri iş mərkəzi olmaqla yanaşı, turistlər üçün sevimli yerdir”, - deyə M. Bujinova əlavə edib.
Heydər Əliyev Beynəlxalq Aeroportunun direktor müavini Elnur Zülfüqarov isə bildirib ki, Heydər Əliyev Beynəlxalq Aeroportundan Aktauya birbaşa uçuşlar həftənin iki günü yerinə yetiriləcək. O, Azərbaycanın əsas hava limanının imkanları və üstünlükləri haqqında danışaraq, dünyanın digər aviaşirkətlərini Bakıya birbaşa reyslər açmağa çağırıb.
Qeyd edək ki, biletləri mobil tətbiq vasitəsilə və ya avişirkətin rəsmi saytında əldə etmək mümkündür.
XƏBƏR LENTİ
09 Oktyabr 2024
ŞƏRHLƏRŞƏRH YAZ