Onlayn ictimai-siyasi qəzet
Peru hökuməti miqrant böhranına görə Çili ilə sərhədə 300 əsgər göndərib
Peru hökuməti miqrasiya böhranı ilə əlaqədar nizam-intizamı təmin etmək üçün Çili ilə sərhədə 300 hərbçi göndərib.
AZƏRTAC xəbər verir ki, bu barədə ölkənin daxili işlər naziri Visente Romero məlumat verib.
"Silahlı Qüvvələr bu gündən etibarən nizam-intizamı təmin etməyə 300 hərbçi göndərməklə dəstək verəcək" – deyə o bildirib. Nazirin sözlərinə görə, sərhəd zonasına 390 polis əməkdaşı da göndərilib.
Çərşənbə günü Peru Prezidenti Dina Boluarte miqrasiya böhranı və cinayətkarlığın artması ilə əlaqədar ölkənin bütün sərhədyanı rayonlarında fövqəladə vəziyyət elan edib. Son günlərin ən gərgin vəziyyəti cənub sərhədində müşahidə olunub, burada Venesueladan olan onlarla qeyri-qanuni miqrant Çilidən öz vətənlərinə və ya başqa ölkələrə getmək üçün Peruya getməyə çalışır.
Cümə axşamı bir qrup miqrant sərhədi zorla keçməyə çalışıb. Bundan sonra Peru Xarici İşlər Nazirliyi Çilinin Limadakı səfirini çağıraraq, qonşu ölkə polisinin reaksiya verməməsinə etiraz edib.
XƏBƏR LENTİ
07 Oktyabr 2024
ŞƏRHLƏRŞƏRH YAZ