Onlayn ictimai-siyasi qəzet
Özünü “döydürən” aktyor həbs edildi- VİDEO
“İmperiya” serialındakı Camal Layon obrazı ilə tanınan amerikalı aktyor Cussi Smollett ABŞ məhkəməsi tərəfindən 5 ay həbs və 30 ay şərti cəzaya məhkum edilib.
Bu barədə “Qafqazinfo” “Variety” nəşrinə istinadən xəbər verir.
Hollivud aktyoru özünə hücumun səhnələşdirilməsi ittihamı ilə həbs edilib. Smollett, həmçinin Çikaqo şəhərinə 120 000 dollar (204 000 AZN) təzminat və 25 000 dollar (42 500 AZN) cərimə ödəməli olacaq.
Xatırladaq ki, 2019-cu ilin yanvarında Smollett rasist və homofob təhqirlər qışqıran iki nəfərin ona hücum etdiyini bildirmişdi. Aktyor döyüldüyünü və üzərinə ağardıcı töküldüyünü qeyd etmişdi. Daha sonra məlum olmuşdu ki, hücum edənlər qardaşdır. Onlardan biri “İmperiya”nın çəkilişlərində iştirak edən statist, digəri isə aktyorun məşqçisidir. O da məlum olub ki, aktyor döyülməsinin səhnələşdirilməsi üçün onlara 3 500 dollar ödəyib.
Daha əvvəl KİV-də yayılan xəbərlərdə qeyd olunurdu ki, Smollett “İmperiya”dakı qonorarından narazı olması səbəbindən özünü “döydürmüşdü”. Belə ki, “İmperiya”nın beşinci mövsümündə ona bir seriya üçün 100 min dollar (170 000 AZN) ödəyirlərmiş, o isə daha çox istəyirdi.
ƏLAQƏLİ XƏBƏRLƏR
XƏBƏR LENTİ
10 Oktyabr 2024
ŞƏRHLƏRŞƏRH YAZ