Onlayn ictimai-siyasi qəzet
Orqanizm üçün MÖCÜZƏ - Cəmi 1 qaşıq yemək kifayətdir…
Maqnezium orqanizmin sağlamlığı üçün olduqca vacib mineraldır. Qədim dövrlərdə xəstəliklərə qarşı tez-tez istifadə edilən təbii vasitələrdən olan taxıl maqneziumla zəngdir və qan şəkərini, həmçinin xolesterini aşağı salır.
Musavat.com Türkiyə mediasına istinadən xəbər verir ki, həzmi olduqca asan, aşağı glisemik indeksə malik və toxluq hissi yaradan darı tərkibində yüksək dəmir və lif olan taxıl hesab edildiyi üçün çox sağlam qida sayılır. Maqneziumun ən zəngin mənbələrindən biridir. Tərkibində həmçinin fosfor, manqan və dəmir var. Tərkibində serotonin səviyyəsini artıran vacib bir amin turşusu olduğundan xoşbəxtlik hormonunu artırır. Bu qida güclü antioksidant təsirə malik olduğu üçün sərbəst radikalların zərərli təsirlərindən qoruyur. Darı qan şəkərini tənzimləyir, tərkibindəki zülal insulinə həssaslığı artırır, qanda şəkər və trigliseridlərin səviyyəsini aşağı salır.
Bu qida asanlıqla həzm olunduğu və tərkibindəki yüksək pəhriz lifi ilə bağırsaqları təmizlədiyi üçün mədəyə son dərəcə yaxşı təsir göstərir. Darı toxumlarında pis LDL xolesterol səviyyəsini azaltmağa kömək edən və həll olunan lif var. Bu həll olunan lif mədədə gelə bənzər kütlə əmələ gətirir və xolesterolun sorulmasına imkan vermir. Bu təsir mexanizmi ateroskleroz riskini azalda bilər.
Qalxanabənzər vəzi xəstəliklərindən əziyyət çəkənlər darıdan uzaq durmalıdırlar. Çünki tərkibində qlüten əvəzinə guatrogen var. Guatrogen qalxanabənzər vəzin funksiyasını boğan və qalxanabənzər vəzinin böyüməsinə səbəb ola bilən maddələrdir. Bundan əlavə, darının guatrogen tərkibi yemək zamanı artır, ona görə də darı qalxanabənzər vəzi problemi olan insanlar üçün tövsiyə edilmir.
Darını bişirməzdən əvvəl yaxşıca yuyun. Üzərinə özündən üç dəfə çox su töküb, yumşalana qədər bişirin. Darını əsas yeməyin yanında düyü əvəzinə də yemək olar. Gündəlik dəmir ehtiyacınızı qarşılamaq üçün cəmi 1 qaşıq darı yemək bəs edir.
Musavat.com
XƏBƏR LENTİ
25 Noyabr 2024
ŞƏRHLƏRŞƏRH YAZ