Onlayn ictimai-siyasi qəzet
ABŞ ilk mərhələdə 20, ümumilikdə 40 beşinci nəsil F-35 tipli döyüş təyyarəsi almaq istəyən Yunanıstana müsbət cavab vermək üçün mayın 14-də Türkiyədə keçiriləcək seçkiləri gözləyir.
Musavat.com xəbər verir ki, bu iddia Yunanıstan mətbuatı tərəfindən ortaya atılıb.
“Konqres Türkiyədəki seçkiləri gözləyir” başlıqlı xəbərlərdə F-35-lərlə bağlı danışıqlar prosesinin başlaması üçün Konqresdə zəruri 4 imzadan 3-nün atıldığı, ABŞ Senatının Xarici Əlaqələr Komitəsinin sədr müavini Cim Rişin də imzalaması ilə prosedurun tamamlanacağı bildirilib.
Xəbərdə vurğulanıb ki, Dövlət Departamenti ABŞ ordusunun ehtiyaclarından artıq olan 2 ədəd C-130 tipli işlənmiş hərbi nəqliyyat təyyarəsinin Yunanıstana simvolik qiymətə verilməsinə qərar verib. Krit adasında yerləşdirilmiş Rusiya istehsalı olan S-300-lərin Ukraynaya göndərilməsi müqabilində Yunanıstana Patriot raketlərinin verilməsi ehtimalının ABŞ-da müzakirə olunduğu iddia edilib.
Musavat.com
07 Oktyabr 2024
ŞƏRHLƏRŞƏRH YAZ