Onlayn ictimai-siyasi qəzet
Nikol Paşinyan: Ermənistanda kadr böhranı var
Ermənistanın Baş naziri Nikol Paşinyan yerli hökumətin bu gün keçirilən iclasında illərlə davam edən kadr siyasəti ilə bağlı tənqidlərə sərt cavab verib.
Musavat.com xəvbər verir ki, bu barədə erməni mediası məlumat yayıb.
“Son yeddi ildə kim bacarırsa, səhərdən axşama qədər deyir ki, bu hökumət yanlış kadr siyasəti aparır. Bəli, bu, doğrudur — biz yanlış kadr siyasəti aparırıq, çünki ölkədə kadr böhranı, insan resursları böhranı var”, – deyə Paşinyan bildirib.
Baş nazirin sözlərinə görə, əhalisinin 70%-i uşaq bağçalarına sahib olmadığı, məktəblərinin 70%-i yararsız vəziyyətdə olan bir ölkədə kadr çatışmazlığı labüddür.
Paşinyan qeyd edib ki, ölkədə 10 milyon dramadək əməkhaqqı alan yüksək ixtisaslı mütəxəssislərdən ibarət kiçik bir qrup var və onlar hökumətdə işləmək istəmirlər: “400-500 min dram maaş almaq, üstəlik hər qazandığın qəpik üçün evinə lənət-dua aparmaq —bu dözülməzdir”.
Paşinyan etiraf edib ki, onun kabinet üzvləri arasında test aparılsa, bir çoxunun standartlara cavab vermədiyi üzə çıxar: “Əvvəlkilərlə də eyni vəziyyət olardı”, – deyə əlavə edib.
Musavat.com
XƏBƏR LENTİ
04 Aprel 2025
03 Aprel 2025
ŞƏRHLƏRŞƏRH YAZ