Onlayn ictimai-siyasi qəzet
Navalnıya ölümündən əvvəl edilən işgəncələrin təfərrüatları ortaya çıxdı- ŞOK DETALLAR
Rus jurnalistlər, müxalifətçi siyasətçi Aleksey Navalnının saxlandığı İK-6 koloniyasında ona qarşı qəsdən yaradılan dözülməz şəraitin sübutlarını əks etdirən yazışmalara çıxış əldə ediblər.
Musavat.com xarici mediaya istinadən xəbər verir ki, bu məlumatlar 2024-cü ilin avqust ayında anonim mənbə tərəfindən "Meduza" nəşrinə təqdim edilib.
Yazışmalardan məlum olur ki, İK-6 koloniyasının əməkdaşı İlya Kruqlışev Navalnının saxlanma şəraitinin sərtləşdirilməsində əsas rol oynayıb.
O, siyasətçini şübhəli bəhanələrlə təcrid kamerasına göndərən sənədləri hazırlayıb. Navalnı koloniyada keçirdiyi müddətdə ümumilikdə 300 gündən çox təcrid kameralarında saxlanılıb və bu zaman ona lazım olan tibbi preparatlar sistemli şəkildə verilməyib.
İK-6 əməkdaşlarının yazışmalarında Navalnıya qarşı sərt tədbirləri əsaslandırmaq üçün sübutların saxtalaşdırılmasına cəhdlər də yer alıb. Məsələn, bir hadisədə, siyasətçiyə qaydaları pozaraq, gəzinti hüququnun məhdudlaşdırılması ilə bağlı bir neçə fərqli sənəd versiyası müzakirə edilib.
Koloniya rəhbərliyi Navalnının xarici əlaqələrini, o cümlədən ailəsi ilə yazışmalarını və telefon danışıqlarını da diqqətlə izləyib. İK-6 əməkdaşları Navalnının sosial şəbəkələrdə paylaşım etmə bacarığına xüsusi maraq göstəriblər. Nəticədə, onun vəkilləri ilə ünsiyyətinə daha ciddi nəzarət tətbiq olunub və bəzi məktublar ünvanına çatmayıb.
XƏBƏR LENTİ
08 Noyabr 2024
ŞƏRHLƏRŞƏRH YAZ