Onlayn ictimai-siyasi qəzet
Məşhur elektromobillərin real yürüş məsafəsi ölçüldü - Sensasion detallar üzə çıxdı
Norveçdə 24 elektrik avtomobilinin real yürüş məsafəsini ölçüblər. Ortaya çıxan nəticələr dünyada tanınan elektromobil istehsalçılarını ifşa etmək gücündədir.
Musavat.com xəbər verir ki,Norveçdə 24 elektrikli avtomobilin real məsafəni yoxlamaq üçün eyni marşrutu qət etdiyi "El Prix" qış sınağı başa çatıb.
Nəticələr WLTP standartına uyğun olaraq istehsalçılar tərəfindən elan edilən yürüş rəqəmləri ilə əhəmiyyətli uyğunsuzluqları üzə çıxarıb. Qalib "Polestar 3" elektrikli avtomobili olub. Rəsmi olaraq bu elektrikli avtomobilin yürüş məsafəsi 560 kilometr göstərilir. "Polestar 3" elektrikli avtomobili məsafənin cəmi 5 faiz az yürüş edib. "Tesla Model 3 Long Range" elan edilmiş ən yüksək yürüş məsafəsinə baxmayaraq, iştirakçılar arasında ən pis nəticələrdən birini göstərib. Eyni zamanda, məlum oldu ki, onun bort kompüteri də istifadəçini aldatmaqda iştirak edir.
Norveç elektrikli avtomobillərin sayı üzrə dünyada liderdir. Bu ölkədə keçən il satılan 10 yeni avtomobildən 9-u elektriklə işləyən nəqliyyat vasitəsi olub. Aşağı temperaturlu qış şəraiti bu Skandinaviya ölkəsini elektromobillər üçün ideal sınaq meydançasına çevirir. Buna görə də Norveçin avtomobil jurnalı "Motor", Norveç Avtomobil Federasiyası (NAF) ilə birlikdə son 6 ildir ki, yay və qış sessiyalarını əhatə edən dünyanın ən böyük elektrikli avtomobil sıra testi olan "El Prix"i keçirir.
Keçən həftə "El Prix"in daha bir qış sınağı baş tutub. Eyni marşrut üzrə ümumilikdə 24 elektrik avtomobili tam şarj olunaraq sınaqdan keçirilib. Nəticələr istehsalçıların elan etdiyi WLTP diapazonu dəyərləri ilə sınaq zamanı əldə edilən faktiki dəyərlər arasında uyğunsuzluqlar təsbit olunub.
Qalib "Polestar 3" elan edilmiş 560 kilometrə qarşı 531 kilometr məsafə qət edib. "Polestar 3" elektrikli avtomobili "Motor" jurnalının gerçəkləşdirdiyi qış seriyası sınaqlarında ikinci ən yaxşı nəticə göstərib. Rekord hələ də 2021-ci ildə müəyyən edilib - 4 faiz sapma ilə "BMW iX3"ə məxsusdur. 3-cü yerdə "BYD Tank" qərarlaşıb.
7 nəfərlik Çin yolsuzluq avtomobili iddia edilən 530 kilometr WLTP məsafəsi əvəzinə 482 kilometr yol gedib - fərq 9 faiz idi.
Yeni "Mini Countryman EV" test yürüşü zamanı 11 faiz diapazon itkisi göstərib. O, vəd olunan 399 kilometrə qarşı 355 kilometr məsafə qət edib.
"Tesla Model 3 Long Range", ən uzun məsafəyə iddia etməsinə baxmayaraq, 702 kilometr əvəzinə 521 kilometr qət edib. "Peugeot E-5008", "Voyah Dream" və "Peugeot E-3008" daha pis nəticələr göstəriblər - onlar istehsalçılarının zəmanət verdiyindən müvafiq olaraq 26%, 29% və 32% az məsafə qət ediblər.
"Tesla Model 3"ün əsas problemi bort kompüterin qət edilən məsafəni çox yüksək qiymətləndirməsi ilə bağlıdır. "Motor" jurnalının yazdığına görə, "Tesla Model 3" bort kompüteri 531 kilometr məsafə qət etdiyini göstərib. Faktiki isə "Tesla" özü üçün əlavə 16 kilometr “yazıb”. Başqa sözlə, Model 3-ün sürücüsü, əslində olduğundan daha çox yüklə sürdüyünü düşünə bilər.
Poliqon sınağı zamanı hava şəraiti əlverişsiz idi. Səyahət boyu havanın temperaturu sıfırın altında qalıb və səyahətin əvvəlində şaxtalı yağış yağıb, bu səbəbdən karvan təxminən bir saat tıxacda qalıb. Günün qalan hissəsi buludlu olub. Təbii ki, benzinlə işləyən avtomobillər qışda daha çox yanacaq sərf etdiyi kimi, bütün elektrik avtomobilləri soyuq havada məsafəni itirir. Sadəcə olaraq, bəziləri digərlərindən daha çox itirirlər və bu kimi testlər müasir elektromobillərdən nə gözləyə biləcəyinizi göstərir.
E.MƏMMƏDƏLİYEV,
Musavat.com
XƏBƏR LENTİ
25 Yanvar 2025
00:33 Rusiya miqrantlara qarşı ŞANTAJ siyasətində DALANA DİRƏNƏCƏK - Üzeyir Cəfərovdan UNİKAL TƏHLİL
24 Yanvar 2025
ŞƏRHLƏRŞƏRH YAZ