Onlayn ictimai-siyasi qəzet
Təcili vəziyyət elan edildi: bu qızdırma 166 nəfərin CANINI ALDI - FOTO
Heyvanlardan insanlara keçən xəstəlik olan Lassa qızdırması bu il Nigeriyada 166 nəfərin ölümünə səbəb olub.
Musavat.com xəbər verir ki, Nigeriya Xəstəliklərə Nəzarət Mərkəzinin (CDC) məlumatına görə, paytaxt Abuca da daxil olmaqla 21 ştatın 106 rayonunda Lassa qızdırması halları artmaqda davam edir.
Açıqlamada qeyd olunub ki, yanvar-sentyabr ayları arasında ölkədə 7673 Lassa qızdırması hadisəsi qeydə alınıb, 166 nəfər bu xəstəlikdən dünyasını dəyişib.
Lassa qızdırması da ötən il ölkə üzrə 190 nəfərin həyatına son qoyub. Nigeriya hökuməti 23 yanvar 2019-cu ildə Lassa qızdırması ilə bağlı fövqəladə vəziyyət elan etdi.
Mali, Toqo, Qana, Liberiya, Sierra Leone kimi bir çox Afrika ölkəsində müşahidə edilən Lassa qızdırması ilk dəfə Nigeriyada 1969-cu ildə ölkənin şimal-şərqindəki Borno əyalətində aşkarlanıb.
Siçovul nəcisi ilə təmasda olan xəstəlik insandan insana keçə bilər və ölümcül hemorragik qızdırmaya səbəb olur. Səlahiyyətlilər əhalini siçan və digər gəmiricilərlə təmasdan çəkinməyə çağırır.
Musavat.com
XƏBƏR LENTİ
03 Oktyabr 2025
ŞƏRHLƏRŞƏRH YAZ