Onlayn ictimai-siyasi qəzet
Məktəbli qız oğlanlarla əlbir olub anasını öldürtdü - ŞOK cinayət
Rusiyanın Moskva vilayətinin Balaşixa şəhərində məktəbli qız tanışı ilə əlbir olub anasının qətlini sifariş edib.
Msuavat.com TASS-a istinadən xəbər verir ki, 14 yaşlı təqsirləndirilən şəxslə anası arasında münaqişə yaranıb: ailəsində problem yaşayan 15 yaşlı oğlan dostu qızın yanına gəlib və onlarla yaşamaq istəyib.
Bir müddət sonra qadın həmin “qonağı” göndərmək istəyib və buna görə də qızı ilə mübahisə edib. Qız dostundan anasını öldürə biləcək şəxsləri tapmasını istəyib. Dostu ona təklif edib ki, iki tanışı (16-17 yaşlı) 350 min rubla onun anasını öldürə bilər.
Onlar razılaşdıqdan sonra, martın 24-də qız dostu ilə birlikdə cinayəti törədənləri mənzilə buraxıb. Onlar qurbana hücum edərək onu boğublar. Girişdəki müşahidə kamerası yeniyetmələrin gecə vaxtı meyiti küçəyə çıxararaq zibil qutusuna necə atdığını lentə alıb.
Faktla bağlı cinayət işi başladılıb.
Msuavat.com
XƏBƏR LENTİ
08 Oktyabr 2024
ŞƏRHLƏRŞƏRH YAZ