Onlayn ictimai-siyasi qəzet
Makron: Ukrayna atəşkəs müqaviləsi çərçivəsində ərazilərin itirilməsini tanıya bilər
Fransa prezidenti Emmanuel Makron Ukraynanın mümkün sülh və ya atəşkəs razılaşması fonunda ərazilərin itirilməsi faktını qəbul edə biləcəyini açıqlayıb.
Musavat.com xəbər verir ki, dövlət başçısı bu məsələ ilə bağlı fikirlərini Fransanın “Le Point” nəşrinə müsahibəsində bildirib. Onun sözlərinə görə, Kiyev bu ərazilərin başqa dövlətin suverenliyi altında olduğunu qəbul etməsə də, onların hərbi yolla itirildiyini tanıya bilər.
“Bu, beynəlxalq hüquqa zidd deyil, amma çox ciddi güzəştdir”, – Makron vurğulayıb.
Fransa lideri əlavə edib ki, Ukrayna üçün əsas məsələ ərazilərin kimə məxsus olduğu ilə bağlı siyasi mövqedən çox, ölkənin təhlükəsizliyi və gələcək inkişafı ilə bağlı real zəmanətlərdir.
Musavat.com
XƏBƏR LENTİ
19 Avqust 2025
18 Avqust 2025
ŞƏRHLƏRŞƏRH YAZ