Onlayn ictimai-siyasi qəzet
ABŞ -də maşını ilə 15 adamı əzib qətl edən terrorçu MÜSƏLMAN çıxdı - BÜTÜN TƏFƏRRÜATLAR
Musavat.com -un da xəbər verdiyi kimi, Nyu-Orleanda (ABŞ) Yeni il şənliklərini qeyd edən insanların üzərinə yüksək sürətlə hərəkət edən bir avtomobil çırpılıb.
Hadisə nəticəsində azı 15 nəfər həlak olub, onlarla insan yaralanıb. Hücum anı və sonrasında baş verənlər isə tam bir dəhşət mənzərəsi yaradıb.
CBS News-un məlumatına görə, avtomobilin kütləyə çırpılmasından sonra sürücü maşından çıxaraq ətrafdakı insanlara atəş açmağa başlayıb. İnsanlar arasında böyük panika yaranıb. Polis əməkdaşları hadisə yerinə operativ şəkildə müdaxilə edərək hücum edən şəxsə cavab atəşi açıb. Federal Təhqiqatlar Bürosunun (FBI) təsdiqinə görə, hücumu törədən şəxs atışma zamanı öldürülüb.
FBI hücumu rəsmi olaraq terror aktı kimi təsdiqləyib. Hücumu törədən şəxsin ABŞ vətəndaşı, 42 yaşlı Şəmsuddin Cabbar olduğu müəyyən edilib. İlkin məlumatlara görə, Cabbar Texasın Hyuston şəhərində yaşayırdı və son günlərdə Meksika vasitəsilə ABŞ-a qayıtmışdı.
Şok detallar: partlayıcı qurğular və İŞİD izləri
Cabbarın idarə etdiyi avtomobildə “intihar kəməri” və bir neçə digər partlayıcı qurğu aşkarlanıb. Bundan əlavə, avtomobilin üzərində İŞİD bayrağı tapılıb. Bu, Cabbarın terror təşkilatları ilə mümkün əlaqələrinin olduğunu göstərir. Araşdırmalar, onun İŞİD-lə birbaşa bağlılığını və hadisənin planlaşdırılmasında digər şəxslərin iştirakını müəyyənləşdirməyə yönəlib.
Hadisə zamanı nələr baş verdi?
Terror aktı zamanı Cabbarın yüksək sürətlə kütləyə çırpıldığı dəqiqələr qorxu dolu anlarla yadda qalıb. Hücum edən şəxs avtomobildən çıxdıqdan sonra ətrafdakı insanlara tüfənglə atəş açıb. Polis əməkdaşları ilə baş verən atışma zamanı Cabbar öldürülüb. Lakin baş verənlər nəticəsində çox sayda insan həyatını itirib, yaralananlar isə xəstəxanalara yerləşdirilib.
FBR (FBI) və hüquq-mühafizə orqanları hadisənin bütün təfərrüatlarını araşdırır. İlkin məlumata görə, Cabbarın İŞİD-lə bağlılıq dərəcəsi və ölkəyə geri dönüşü ilə əlaqədar detallar istintaqın əsas mövzularından biridir. Hücumun planlaşdırılmasında və həyata keçirilməsində digər şəxslərin iştirak edib-etmədiyi də araşdırılır.
Bu dəhşətli hadisə ABŞ-da terror təhlükəsinin yenidən aktuallaşdığını göstərir. Yeni ilin ilk günlərində baş verən bu terror aktı ABŞ-da təhlükəsizlik tədbirlərinin daha da gücləndirilməsinə ehtiyac olduğunu nümayiş etdirir.
Musavat.com
XƏBƏR LENTİ
04 Yanvar 2025
ŞƏRHLƏRŞƏRH YAZ