Onlayn ictimai-siyasi qəzet
Kiyevdə Zelenskilər ailəsinə məxsus tarixi malikanə İCAZƏSİZ SÖKÜLÜR
Kiyevdə 19-cu əsrin sonlarında inşa edilmiş və Zelenskilər ailəsinə məxsus olan tarixi malikanənin icazəsiz söküntüsü başlayıb.
Musavat.com xəbər verir ki, bu barədə "Украинская правда" nəşri məlumat yayıb.
Məlumata görə, söküntü prosesi hüquq-mühafizə orqanlarının müdaxiləsinə baxmayaraq davam edir. Bildirilir ki, polis hadisə yerinə gəlsə də, bina kranlar vasitəsilə sökülməkdə davam edib.
Hazırda tarixi binanın sökülməsinə kimin göstəriş verdiyi məlum deyil. Məsələ ilə bağlı rəsmi qurumlar hələlik rəsmi açıqlama verməyib. Bununla belə, Ukrayna Ali Məhkəməsi bina ilə bağlı qərar çıxararaq onun sökülməsini qanunsuz elan edib.
Mütəxəssislər hesab edirlər ki, bu cür tarixi binaların qorunması mədəni irsin mühafizəsi baxımından son dərəcə vacibdir. Hadisə ictimaiyyət arasında ciddi narahatlıq doğurub və aidiyyəti qurumların məsələyə nəzarət etməsi tələb olunur.
Bu qanunsuz söküntünün arxasında hansı maraqların dayandığı və prosesin qarşısının alınıb-alınmayacağı ilə bağlı yaxın günlərdə daha ətraflı məlumat veriləcəyi gözlənilir.
Musavat.com
XƏBƏR LENTİ
22 Mart 2025
21 Mart 2025
ŞƏRHLƏRŞƏRH YAZ