Onlayn ictimai-siyasi qəzet
Kapitan İqor Kşnyakinə hörmət: Azərbaycan Gimnastika Federasiyasından başsağlığı
Azərbaycan Gimnastika Federasiyası “Gimnastika hamı üçün” növü üzrə təmsilçilər Anastasiya və Darya Kşnyakinanın atası, qəhrəman pilot İqor İvanoviç Kşnyakinin faciəvi ölümünə görə başsağlığı verib.
Federasiya sosial şəbəkələr vasitəsilə paylaşım edərək təyyarə qəzasında həyatını itirən Kapitan Kşnyakinin timsalında bütün ekipaj üzvlərinə Allahdan rəhmət diləyib.
Mesajda bu sözlər yer alıb:
“Kapitan Kşnyakin İqor İvanoviç baş vermiş təyyarə qəzasında həyatını itirib. Onun timsalında bütün ekipaj üzvlərinə Allahdan rəhmət diləyirik.”
Qeyd edək ki, İqor Kşnyakin Bakı-Qroznı reysi üzrə uçan AZAL təyyarəsində kapitan pilot olub. O, təyyarənin təhlükəsizliyini təmin etmək üçün son ana qədər mübarizə aparıb və öz həyatını riskə atıb.
Bu ağır itki ilə əlaqədar Azərbaycan ictimaiyyəti həlak olanların ailələrinə və yaxınlarına dərin hüznlə başsağlığı verir. İqor Kşnyakinin fədakarlığı və qəhrəmanlığı unudulmayacaq.
Musavat.com olaraq qəzanın bütün təfərrüatlarını izləməyə davam edəcəyik.
XƏBƏR LENTİ
28 Dekabr 2024
ŞƏRHLƏRŞƏRH YAZ