Onlayn ictimai-siyasi qəzet
Kaliforniya qubernatoru Tramp yalançılıqda ittiham etdi: O, heç kiminlə danışdığını belə bilmir...
ABŞ administrasiyası zərurət yaranarsa, Hərbi İğtişaşların Yatırılması Aktından istifadə edə bilər.
Musavat.com xarici agentliklərə istinadən xəbər verir ki, bunu Prezident Donald Tramp jurnalistlərə deyib. O, qeyd edib ki, son günlər Los-Ancelesin (Kaliforniya) bir neçə bölgəsində baş verənləri üsyan adlandırmaq olar.
İğtişaşların qarşısının alınması haqqında qanundan istifadə etmək niyyətində olub-olmaması ilə bağlı suala Tramp belə cavab verib: “Əgər qiyam olarsa, təbii ki, ondan istifadə edəcəm. Görəcəyik. Amma sizə deyə bilərəm ki, ötən gecə Los Ancelesdə dəhşətli idi. Ondan əvvəlki gecə də dəhşətli idi".
Hərbi İğtişaşların Yatırılması Aktı dövlət başçısına ölkə daxilində silahlı qüvvələrdən istifadə etmək hüququ verən 1807-ci il qanunudur. Sonuncu dəfə qanuna 1992-ci ildə Los-Anceles iğtişaşları zamanı istinad edilib.
Nəyin qiyam olduğunu düşündüyünü soruşduqda, Amerika lideri deyib: "Los-Ancelesdə dünən gecə baş verənləri... üsyan adlandırmaq mümkün olan ərazilər var idi. Bu, dəhşətli idi." Onun sözlərinə görə, Milli Qvardiya “təhlükə aradan qalxana qədər” Kaliforniyada olacaq.
Amerika lideri bildirib ki, o, ştatın qubernatoru Qevin Nyusom ilə “bir gün əvvəl” “daha yaxşı iş görmək” üçün danışıb. Lakin qubernator X hesabında onun sözlərini təkzib edib: "Heç bir zəng olmadı. Hətta səsli mesaj da yox idi. Amerikalılar narahat olmalıdırlar ki, dəniz piyadalarını küçələrimizə yeridən prezident hətta kiminlə danışdığını belə bilmir".
Musavat.com
XƏBƏR LENTİ
12 Iyun 2025
ŞƏRHLƏRŞƏRH YAZ