Onlayn ictimai-siyasi qəzet
İtaliyada Marmolada zirvəsindəki Punta Rokka buzlağından qopan böyük buz təbəqəsinin dağda olan alpinistlərin üzərinə çökməsi nəticəsində ölənlərin sayı 10-a çatıb.
AZƏRTAC xəbər verir ki, axtarış-xilasetmə işləri zamanı daha bir nəfərin cəsədi uçqunun altından çıxarılıb. Beləliklə də, təbii fəlakətdə ölənlərin sayı 10-a yüksəlib. Onlardan altısının şəxsiyyəti müəyyən edilib ki, 4-ü İtaliya, 2-si isə Çexiya vətəndaşıdır.
Axtarış-xilasetmə işləri qurudan və havadan davam edir. Yerli mətbuat təbii fəlakət zamanı itkin düşən bir nəfərin olduğunu və hələ də tapılmadığını yazıb.
Xatırladaq ki, iyulun 3-də Punta Rokka buzlağının əriməsi nəticəsində böyük buz təbəqəsi dağda olan alpinistlərin üzərinə çöküb.
07 Oktyabr 2024
06 Oktyabr 2024
ŞƏRHLƏRŞƏRH YAZ