Onlayn ictimai-siyasi qəzet
İstefalarla dolu karyera - Hər ayrılıqda milyonlar QAZANDI
Türkiyənin "Fənərbağça" klubunun baş məşqçi postunu tərk edən portuqaliyalı mütəxəssis Joze Mourinyonun karyerası ərzində ümumilikdə təxminən 115 milyon avro məbləğində kompensasiya qazandığı məlum olub.
Musavat.com xəbər verir ki, bu barədə “Otopark” nəşri məlumat yayıb.
Məlumatda bildirilir ki, Mourinyonun karyerası boyunca 6 dəfə vaxtından əvvəl müqaviləsi dayandırılıb. Onunla 2 dəfə “Çelsi” klubunun yolları ayrılıb, həmçinin “Real Madrid”, “Mançester Yunayted”, “Tottenhem”, İtaliyanın “Roma” klubu və indi “Fənərbaxça” onu istefaya göndərib.
Məşqçiyə ən yüksək kompensasiyaları İngiltərə klubları ödəyib. Rekord məbləğ “Çelsi” tərəfindən ödənilib, təxminən 35,5 milyon avro, ikinci yerdə isə “Tottenhem” – 21 milyon avro ilə qərarlaşıb. Digər klublar isə Mourinyo ilə müqaviləni vaxtından əvvəl dayandırdığı üçün qalan ödənişləri həyata keçirib.
XXI əsrin ən titullu məşqçilərindən biri olan Joze Mourinyo karyerası ərzində “Porto” və “İnter” ilə Çempionlar Liqasını, həmçinin İngiltərə, İspaniya, İtaliya və Portuqaliya çempionatlarını qazanıb. Son istefalarına baxmayaraq, o, Avropa futbol bazarında hələ də tələb olunan mütəxəssis olaraq qalır.
Musavat.com
XƏBƏR LENTİ
31 Avqust 2025
ŞƏRHLƏRŞƏRH YAZ