Onlayn ictimai-siyasi qəzet
İlon Maskdan ŞOK XƏBƏRDARLIQ: "Avropada kütləvi terror hücumları gözlənilir!"
ABŞ hökumətinin effektivliyi departamentinə (DOGE) nəzarət edən İlon Mask Avropada terror dalğası təhlükəsi barədə xəbərdarlıq edib.
Musavat.com TASS-a istinadən xəbər verir ki, o, İtaliyanın hakim koalisiyasına daxil olan "Liqa" partiyasının Florensiyada keçirilən qurultayında videobağlantı vasitəsilə danışıb.
"Terroizm Avropada kütləvi qətllərə səbəb olacaq, dostlarınız, yaxınlarınız, hamı təhlükə altındadır. Çünki biz İtaliya və ümumilikdə Avropada hücumların əhəmiyyətli şəkildə artdığını görəcəyik. Kütləvi informasiya vasitələri bu hücumların təhlükəsini gizlətməyə çalışır. Avropada kütləvi qətllərin şahidi olacağıq. Bu, tendensiyadır", – Maskın sözlərini "Corriere della Sera" qəzeti təqdim edib.
"X", "Tesla" və "SpaceX" şirkətlərinin rəhbəri daha əvvəl kütləvi miqrasiya təhlükəsinin "istənilən bir ölkəni məhv edə biləcəyini" bildirib. O, həmçinin söz azadlığını məhdudlaşdırmağa çalışanları həqiqi faşistlər adlandırıb. Mask ticarət müharibələri də daxil olmaqla istənilən müharibənin sona çatacağına və qarşısının alınacağına ümid etdiyini bildirib.
Musavat.com
XƏBƏR LENTİ
06 Aprel 2025
ŞƏRHLƏRŞƏRH YAZ