Onlayn ictimai-siyasi qəzet
İlon Maska şok cəza: Avropa İttifaqı 1 milyard dollarlıq cərimə kəsməyə hazırlaşır
Avropa İttifaqı İlon Maskın X platformasına 1 milyard dollardan çox cərimə tətbiq etməyə hazırlaşır.
Musavat.com xəbər verir ki, məlumatı The New York Times (NYT) mənbələrə istinadən yayıb.
Aİ-nin X-a qarşı tədbirləri bu yay açıqlayacağı gözlənilir. NYT-nin qeyd etdiyinə görə, tənzimləyicilər ümid edirlər ki, belə yüksək cərimə tətbiq edilərsə, bu, digər şirkətləri iki dəfə düşünməyə vadar edəcək. Qəzet qeyd edir ki, X Brüsselin tələb etdiyi dəyişikliklərlə razılaşarsa, Aİ ilə razılığa gələ bilər.
Bundan əlavə, Avropa İttifaqı X ilə bağlı daha bir araşdırma aparır. Bu araşdırmaya əsasən X istifadəçi məzmununa müdaxilə etmədiyi üçün Aİ-də nifrət və dezinformasiyanı yayan qeyri-qanuni mərkəz hesab olunur.
Yanvarın 24-də “Handelsblatt” qəzeti Aİ-nin yüksək rütbəli rəsmilərinə istinadən yazıb ki, Avropa Komissiyası X ilə bağlı araşdırmanı başa çatdırıb və platformanı 100 milyon dollardan çox cərimə gözləyir.
Aİ-də X ilə bağlı araşdırma 2023-cü ilin dekabrında başlayıb. AK şirkətin internet operatorlarını məhkəmə qərarı olmadan Aİ-də qadağan olunmuş kimi qeyd olunan məzmunu silməyə məcbur edən Rəqəmsal Xidmətlər Aktını (DSA) pozmaqda şübhələnir.
Musavat.com
XƏBƏR LENTİ
05 Aprel 2025
04 Aprel 2025
ŞƏRHLƏRŞƏRH YAZ