Onlayn ictimai-siyasi qəzet
“İlon Mask ABŞ prezidentliyinə namizəd olacaq” – İDDİA
“İlon Maskın ABŞ prezidentliyinə iddiasını ortaya qoyacağını istisna etmirəm”.
Bunu Sfera.az-a açıqlamasında politoloq Elxan Şahinoğlu deyib.
Ekspert bildirib ki, Mask özünü siyasətdə də sınamağa qərar verib:
“Onun vaxtilə inşaat və otel sektorunda ad qazanmış keçmiş Prezident Donald Trampdan nəyi əskikdir? Donald Tramp atasından qalma varidatla iş dünyasında ad qazandı, İlon Mask isə bütün qazandıqlarını özü əldə edib. İlon Mask son zamanlar siyasi açıqlamalar verir, indi də deyib ki, ABŞ-nin Ukraynanı atəşkəsə yönləndirməsi və Rusiya ilə münasibətləri normallaşdırması daha düzgün addım olar.
Mask bildirib ki, Rusiya və Çinlə sərt qarşıdurma ABŞ üçün fəlakətli nəticələr doğura bilər. Biznesdə bütün zirvələri fəth edən şəxs adətən özünü siyasətdə sınamağa qərar verir. Fikrimcə, İlon Mask da bu haqda düşünməyə başlayıb. Hər halda, İlon Mask 80 yaşını haqlayan Cozef Baydendən pis prezident olmayacaq”.
XƏBƏR LENTİ
03 Oktyabr 2024
02 Oktyabr 2024
ŞƏRHLƏRŞƏRH YAZ