Onlayn ictimai-siyasi qəzet
HƏMAS ilk israilli girovları Qırmızı Xaça təhvil verdi -sıra İsraildə
Fələstinin HƏMAS hərəkatı ilk 3 israilli girovu Beynəlxalq Qızıl Xaç Komitəsinin nümayəndələrinə təhvil verib.
Musavat.com xəbər verir ki, bu barədə “Al Arabiya” telekanalı məlumat yayıb.
Telekanalın məlumatına görə, girovların təhvil verilməsi Qəzza şəhərindəki Es-Saray meydanında baş tutub. BQXK üç girovun vəziyyətinin yaxşı olduğunu bildirib.
Qeyd olunur ki, girovların geri qaytarılması Qəzza zolağında atəşkəs razılaşmasının qüvvəyə minməsindən bir neçə saat sonra baş tutub.
Fələstinin Qəzza zolağında münaqişə tərəfləri - İsrail və HƏMAS hərəkatı Qətər, Misir və ABŞ-ın vasitəçiliyi ilə yanvarın 19-dan etibarən 42 gün müddətinə atəşkəs haqqında razılığa gəlib və hərbi əməliyyatlara yekun son qoymaq istəklərini bəyan ediblər.
Birinci mərhələdə HƏMAS İsrailin 1890-dan çox məhbusu azad etməsi müqabilində 33 girovu azad edəcək.
@@TVmusavat/106436@@
Şahanə Rəhimli,
Musavat.com
XƏBƏR LENTİ
19 Yanvar 2025
ŞƏRHLƏRŞƏRH YAZ