Onlayn ictimai-siyasi qəzet
Evlərə bildiriş göndərildi - Bu şəxslərin pensiyası ləğv edilir
Türkiyədə Sosial Təminat Qurumu (SGK) təqaüd ödənişlərində qanunsuzluq şübhəsi olan şəxslərə qarşı genişmiqyaslı araşdırmalara başlayıb.
Musavat.com xəbər verir ki, çox sayda təqaüdçüyə bildiriş göndərilərək, 3 iş günü ərzində ifadə vermələri tələb olunub.
Sosial Təminat Qurumu milyonlarla təqaüdçünün ödənişlərini keçmiş dövrlərə aid olaraq araşdırmağa başlayıb. Bu məqsədlə xüsusi komitələr yaradılıb və şübhəli hallarla qarşılaşan şəxslər ifadə vermək üçün dəvət edilir.
Son illərdə artan bu tətbiqlə, 2024-cü ildə də çox sayda təqaüdçüyə bildiriş göndərilib. Təqaüd hüququ əldə etmək üçün qeyri-qanuni yollara əl atanlara qarşı yoxlamalar gücləndirilib. Sosial Təminat Qurumunun göndərdiyi bildirişlərdə şübhəli şəxslərdən 3 iş günü ərzində Sosial Təminat Qurumu rayon idarələrinə gələrək ifadə vermələri tələb olunub.
Ödənilən məbləğlər geri qaytarılır
Araşdırmalar nəticəsində, şübhəli dövrlərdə həqiqi iş fəaliyyəti olmadığı təsdiqlənərsə, həmin şəxslərin təqaüd hüququ ləğv ediləcək və ödənilmiş təqaüd maaşları qanuni faizi ilə geri alınacaq. Bundan əlavə, bu şəxslər həm mövcud təqaüd maaşlarını itirəcək, həm də geri ödəniş etmək məcburiyyətində qalacaqlar.
10 illik araşdırma
Sosial Təminat Qurumu mütəxəssisləri qeyd edirlər ki, təqaüd tarixindən etibarən 10 il ərzində geriyə doğru araşdırmalar aparıla bilər. Bu müddət keçdikdən sonra isə qanunsuzluq halları ilə bağlı cəza tətbiq edilə bilməz.
Bu araşdırmalar nəticəsində çox sayda şəxsin təqaüd hüququnu itirəcəyi və alınan ödənişlərin geri qaytarılacağı gözlənilir. Sosial Təminat Qurumu qanunsuzluqların qarşısını almaq və qanun pozuntularını minimuma endirmək məqsədilə yoxlamaları daha da gücləndirəcəyini açıqlayıb.
Musavat.com
XƏBƏR LENTİ
09 Yanvar 2025
ŞƏRHLƏRŞƏRH YAZ