Onlayn ictimai-siyasi qəzet
Ermənistanda itkin əsgərlərin ailələri HƏRƏKƏTƏ KEÇDİ
Ermənistanda 44 günlük müharibədə itkin düşən hərbçilərin valideynləri Müdafiə Nazirliyinin binası qarşısında etiraz aksiyası keçirir.
Musavat.com erməni mediasına istinadən xəbər verir ki, valideynlər Baş Qərargah rəisi Eduard Asryan və separatçıların “sabiq komandanı” Kamo Vardanyanla görüş tələb edərək toplaşıblar.
Məlumata görə, onlar sentyabrın 27-də də etiraz aksiyası keçiriblər. Lakin həmin vaxt onlara görüşün bu gün keçiriləcəyi bildirilib. Hazırda etirazçılardan bəziləri Müdafiə Nazirliyinin binasında görüşdə iştirak edir.
Savaşda itkin düşən əsgərlərin yaxınlarından biri - Arsen Qukasyan bildirib ki, görüş bazar ertəsi baş tutmasa, onlar son çarəyə əl atacaqlar.
“Xalq bizi bağışlasın, amma biz kollaps yaradacağıq, əsas yolları bağlayacağıq. Çünki bizə dəqiq vaxt deyilməyib və artıq 5 ildir gözlədiyimiz üçün vaxt itirmək istəmirik”, - deyə Qukasyan deyib.
Musavat.com
XƏBƏR LENTİ
29 Sentyabr 2025
ŞƏRHLƏRŞƏRH YAZ