Onlayn ictimai-siyasi qəzet
Ermənistan və Türkiyə normallaşma prosesini sürətləndirir: Altıncı görüşün DETALLARI - VİDEO
İrəvanda Türkiyə və Ermənistan münasibətlərin normallaşdırılması üzrə xüsusi nümayəndələr Serdar Kılıç və Ruben Rubinyan altıncı görüşlərini keçiriblər.
Musavat.com xəbər verir ki, görüş zamanı tərəflər əvvəlki razılaşmaları təsdiqləyərək Ermənistan–Türkiyə münasibətlərinin tam normallaşdırılması prosesinin irəlilədilməsi yollarını müzakirə ediblər.
Xüsusilə 2022-ci il 1 iyul razılaşması çərçivəsində sərhəd-keçid məntəqələrinin açılması məsələsi müzakirə olunub və prosesi sürətləndirmək barədə razılığa gəlinib.
Həmçinin, Gümrü–Qars dəmir yolu xəttinin və elektrik birləşdiricisinin bərpası üçün texniki tədqiqatların aparılması qərara alınıb. Mədəniyyət və təhsil sahəsində əməkdaşlığın dərinləşdirilməsi, tələbələr üçün təqaüdlərin ayrılması və Ani/İpək Yolu tarixi körpüsünün bərpası da gündəmdə olub.
Tərəflər iki ölkə arasında aviaəlaqələrin genişləndirilməsi və 2026-cı ilin yayından yeni uçuşların başlaması məsələsində də razılığa gəliblər.
Görüşün sonunda nümayəndələr hər hansı şərt qoymadan normallaşdırma prosesini davam etdirmək öhdəliyini bir daha təsdiqləyiblər.
Musavat.com
XƏBƏR LENTİ
15 Sentyabr 2025
14 Sentyabr 2025
ŞƏRHLƏRŞƏRH YAZ