Onlayn ictimai-siyasi qəzet
Keçmiş həyat yoldaşından Mauro İkardiyə ŞOK SÖZLƏR - Hər kəs bu paylaşımdan DANIŞIR
Argentinalı model Vanda Nara keçmiş həyat yoldaşı Mauro İkardiyə qarşı sosial mediada sərt sözlər səsləndirib.
Musavat.com-un Türkiyə mətbuatına istinadla xəbərinə görə, Nara İkardinin övladlarının doğum günlərinə və məktəb tədbirlərinə laqeyd yanaşdığını bildirərək onu “məsuliyyətsiz ata” olmaqda ittiham edib.
“Təəssüf ki, bu gün məktəbin “Zoom” üzərindən keçirilən toplantısına belə qoşulmağa vaxt tapmadın. Qızların psixoloqları bir aydır səninlə danışmaq üçün vaxt gözləyirlər. Qızlarına vaxt ayıra bilməyən birinə bunu kim izah edəcək? Mən sənin ata kimi varlığın olmadan da onlar üçün hər şey edirəm. Bunu sadəcə qızlarımı məndən almaq üçün pul xərcləmək istədiyin vaxt yadına salmaq üçün deyirəm.
Sən telefonda ona İtaliyada biri ilə olduğunu söylədin və bu, onun gününü tamamilə korladı. Təəssüf ki, o insan səni nə daha yaxşı bir insan, nə də daha yaxşı bir ata edə bilir.
27 oktyabrda, İsinin doğum günündə onun xoşbəxt olması üçün əlimdən gələni etdim, amma sən sadəcə bir telefon zəngi ilə onun gününü məhv etdin. Qızına bir buket gül və ya hədiyyə göndərməyi belə bacarmadınmı?”, - Vanda Nara qeyd edib.
Bu paylaşım qısa zamanda rezonans yaradıb.
Musavat.com
ŞƏRHLƏRŞƏRH YAZ