Onlayn ictimai-siyasi qəzet
“Əgər Putin Zelenski ilə görüşməsə, bu, Trampı ələ salmaqdır” – Makron
Rusiya prezidenti Vladimir Putin bazar ertəsinə qədər Ukrayna prezidenti Vladimir Zelenski ilə görüşməyə razı olmasa, bu, onun növbəti dəfə ABŞ prezidenti Donald Trampı “oynayıb ələ salması” anlamına gələcək.
Musavat.com xəbər verir ki, bunu Fransa prezidenti Emmanuel Makron Almaniya kansleri Fridrix Merzlə görüşdən sonra keçirilən mətbuat konfransında deyib.
Makronun fikirlərini Le Monde yayıb. Bildirilir ki, Fransa prezidenti Putini “adayeyən” və “yırtıcı” adlandırdıqdan sonra ona qarşı irəli sürülən ittihamları rədd edib və sözlərindən geri çəkilməyib: “Avropanın qapısında adamyeyən olduğunu deyəndə, mən hesab edirəm ki, bu, gürcülərin, ukraynalıların və bir çox başqa xalqların çox dərindən hiss etdiklərini, yəni avtoritar, avtokratik sürüklənməyə doğru irəliləmək və revizionist imperializmə rəhbərlik etmək qərarına gələn bir insanı təsvir edir”.
O xatırladıb ki, avqustun 18-də, Ankoric sammitindən üç gün sonra Putin Trampa ukraynalı həmkarı Vladimir Zelenski ilə görüşəcəyini vəd edib: “Əgər ikitərəfli görüş bazar ertəsinə qədər baş tutmasa, mən inanıram ki, bu, prezident Putinin prezident Trampı ələ salması və oynaması anlamına gələcək və bu cavabsız qala bilməz”.
Musavat.com
XƏBƏR LENTİ
31 Avqust 2025
ŞƏRHLƏRŞƏRH YAZ