Onlayn ictimai-siyasi qəzet
Dünya bu eksperimentdən danışır: 3.5 milyonluq skripkası ilə 45 dəqiqəyə GÖRÜN NƏ QƏDƏR pul topladı - VİDEO
Dünyanın ən məşhur musiqiçilərindən biri olan Coşua Bell (Joshua Bell) 3,5 milyon dollar dəyərindəki skripkası ilə Nyu-York metrosunda 45 dəqiqə ərzində ifa edib.
Musavat.com xəbər verir ki, onun ifasını yalnız bir neçə nəfər dayanıb dinləyib, bir neçə nəfər isə alqışlayıb. Nəticədə Bell yalnız 30 dollar bəxşiş toplayıb.
Heç kim bilmirdi ki, metroda çalan bu musiqiçi, iki gün əvvəl Boston teatrında çıxış etmiş və həmin konsertin biletləri tükənmişdi. O konsertdə oturacaqların orta qiyməti 100 dollar idi.
Bu eksperiment adi bir mühitdə olan fövqəladə istedadların çox vaxt diqqətdən kənarda qaldığını və qiymətləndirilmədiyini sübut edir. Həyatda da eyni vəziyyətlər tez-tez rast gəlinir – parlaq istedadlı insanlar lazımi dəyəri almadıqları yerlərdə itirilə bilirlər.
Bu təcrübə bir çox insan üçün mühüm mesaj daşıyır: İstədiyiniz dəyəri və qiyməti tapa bilmədiyiniz yerdə qalmaq əvəzinə, dəyər verildiyiniz və inkişaf edə biləcəyiniz bir mühitə gedin.
İntuisiyanız sizə bir şeylər deyirsə, onları dinləyin. Harada olduğunuzun sizin üçün kifayət etmədiyini hiss edirsinizsə, oradan uzaqlaşmaqdan çəkinməyin. Öz dəyərinizi bilin və inkişaf edə biləcəyiniz yerlərə gedin.
Coşua Bellin bu təcrübəsi həyatın hər sahəsində parlaq istedadların düzgün tanınmasının və qiymətləndirilməsinin nə qədər vacib olduğunu xatırladır.
Musavat.com
XƏBƏR LENTİ
05 Fevral 2025
ŞƏRHLƏRŞƏRH YAZ