Onlayn ictimai-siyasi qəzet
"Azərbaycan geosiyasi baxımdan narkotacirlərin narkotik daşınması üzrə marşrutu üzərində yerləşən ölkədir. Bu, İranla-Azərbaycan sərhədindən keçmək istiqamətində olduğuna görə burada daha çox insidentlər yaşanır".
Musavat.com xəbər verir ki, bunu Dövlət Sərhəd Xidməti (DSX) rəisinin müavini general-leytenant Abbas Xəlilov deyib.
O bildirib ki, dövlət sərhədlərinin qanunlarına məhəl qoymayan silahlı qurumlar olur: "Lakin sərhədçilər tərəfindən qanunauyğun tədbirlər görülüb. Ötən dövr ərzində 5 nəfər sərhəd pozucusu sərhədçilər tərəfindən zərərsizləşdirilib. DSX-nin sərhədçiləri qanunauyğun formada silah istifadə edirlər. Bu halların qarşısının alınması məqsədilə həmin istiqamətdə sərhədçilərin xidməti gücləndirilib".
General-leytenant qeyd edib ki, sərhədçilər ərazi bütövlüyümüzə yönələcək istənilən cəhdə qətiyyətlə cavab verməyə hazırdır.
Nigar HƏSƏNLİ,
Musavat.com
14 Oktyabr 2024
ŞƏRHLƏRŞƏRH YAZ