Onlayn ictimai-siyasi qəzet
DİM aeroport haqqında suala aydınlıq gətirdi
Dövlət İmtahan Mərkəzi dünən və bu gün Feysbuk sosial şəbəkəsində yayılan və DİM-in tələbə qəbulu üzrə keçirdiyi test imtahanlarında proqrama salındığı iddia olanan sualla bağlı məsələyə aydınlıq gətirib.
Qeyd edək ki, abituriyentlərə verilən sualın aşağıdakı kimi olduğu iddia olunurdu: "Füzuli hava limanının uzunluğu nə qədərdir?"
DİM-in aşıqlamasında bildirilir ki, işğaldan azad edilmiş ərazilərdə həyata keçirilən bərpa və quruculuq işlərindən bəhs edən tapşırıqda Füzuli hava limanının uzunluğu soruşulmayıb: "Bu tapşırıqda yer alan bəndlərin birində 2023-cü ilədək işğaldan azad edilən ərazilərdə istifadəyə verilən (Füzuli və Zəngilan ) və hazırda tikintisi davam edən (Laçın) hava limanları ilə bağlı ümumi məlumatlılıq səviyyəsi yoxlanılmışdır.
Həmin tapşırığı təqdim edirik.
İşğaldan azad edilmiş ərazilərdəki bərpa və quruculuq işləri özündə əks etdirir:
1. Ərazilərdə dayanıqlı icmaların yaradılmasını
2. 2023-cü ilədək 3 hava limanının tikilib istifadəyə verilməsini
3. Həyata keçirilən işlərdə texnoloji yeniliklərin tətbiqini
4. Bərpa olunan enerji mənbələrindən istifadəni
5. Məskunlaşma prosesinə 2026-cı ildən etibarən başlanılmasını
A) 2, 4, 5 B) 2, 3, 5 C) 1, 3, 4
D) 1, 2, 3 E) 1, 4, 5
Doğru cavab: C bəndi".
Bununla da aydın olur ki, DİM-ın yeni aeroportlar haqqında imtahana saldığı sual məhz yuxarıdakı kimidir.
Musavat.com
XƏBƏR LENTİ
06 Oktyabr 2024
ŞƏRHLƏRŞƏRH YAZ