Onlayn ictimai-siyasi qəzet
Bürclər insan həyatına necə təsir edir? – Alimdən ŞOK AÇIQLAMA
Rəsmi elm uzun müddət astrologiyanı şarlatanlıq hesab etsə də, bunu təsdiqləmək üçün çox az real elmi araşdırma aparılıb. Yəqin ki, əksər alimlər üçün bu mövzu qeyri-ciddi və diqqətə layiq görünmür.
Kemyona Universitetinin (Cənubi Koreya) alimi Mohsen Coşanlu öz tədqiqatını aparmaq qərarına gəlib və astrologiyanın tamamilə əsassız olduğuna dair yeni dəlillər tapıb.
Nəticələrin daha inandırıcı görünməsi üçün tədqiqatçı 12.791 iştirakçıdan çox əhəmiyyətli nümunə götürüb və bürclərin həyatlarına təsirinin nə qədər böyük olduğunu sınayıb.
Coşanlu iştirakçıları ümumi xoşbəxtlik/bədbəxtlik hissi, depressiya əlamətlərinin olması, psixi gərginliyin səviyyəsi, işdən və maliyyə vəziyyətindən məmnunluq səviyyəsi, həyatda “sönüklük” hissi, sağlamlıq, şəxsi həyatdan məmnunluq, özünü qiymətləndirmə kimi göstəricilər üzrə sınaqdan keçirib. Alim yaşa, cinsə və təhsilə uyğunlaşdırılmış bürcdən asılı olaraq nümunələri müəyyən etməyə çalışıb.
Nəticədə, tədqiqatçı sadalanan 8 göstəricidən 7-də bürc əlamətlərinin insanın özünü hiss etməsinə statistik əhəmiyyətli təsirini tapa bilməyib. Yalnız insanların maddi vəziyyətindən məmnunluq səviyyəsində statistik cəhətdən əhəmiyyətli, lakin hələ də əhəmiyyətsiz bir təsir göstərib.
Alimin fikrincə, onun araşdırması inandırıcı şəkildə sübut edir ki, astrologiya insan rifahını proqnozlaşdıra bilməz. O hesab edir ki, bürclərə əsasən insanın taleyini proqnozlaşdırmaq zər və ya sikkə atmaqla bunu etməklə eynidir. (lent.az)
XƏBƏR LENTİ
24 Noyabr 2024
ŞƏRHLƏRŞƏRH YAZ