Onlayn ictimai-siyasi qəzet
Bu təsirini çox az adam bilir - Acı şokoladın faydaları
Acı şokoladın insan sağlamlığına faydaları artıq bir çoxumuz tərəfindən bilinir. Lakin onun saç uzanmasına müsbət təsiri olduğu çox az insan tərəfindən tanınır.
Acı şokalad haqqında maraqlı faktları təqdim edirik:
Tərkibi və təsiri
Acı şokolad antioksidantlar, dəmir, maqnezium, sink və mis kimi minerallarla zəngindir. Xüsusilə yüksək miqdarda flavonoid və polifenol maddələri sayəsində hüceyrələri qoruyur və qan dövranını sürətləndirir. Bu xüsusiyyətlər bədənin bir çox funksiyalarını dəstəklədiyi kimi, saç sağlamlığına da fayda verir.
Qan dövranını gücləndirir
Acı şokolad qan dövranını yaxşılaşdıraraq saç köklərinə daha çox oksigen və qida maddəsinin çatmasına kömək edir. Bu isə saçların daha sağlam və sürətli uzanmasına şərait yaradır.
Stressi azaldır – saç tökülməsinin qarşısını alır
Stress saç tökülməsinin əsas səbəblərindən biridir. Acı şokolad serotonin səviyyəsini artıraraq əhval-ruhiyyəni yaxşılaşdırır və stressin azaldılmasına kömək edir. Bununla da, stressə bağlı saç tökülməsinin qarşısını ala bilər.
Antioksidant təsiri ilə saç dərisini qoruyur
Tərkibindəki antioksidantlar sayəsində, acı şokolad saç dərisini zərərli sərbəst radikallardan qoruyur. Beləliklə, saçların sağlam qalmasına və qırılmasının qarşısının alınmasına dəstək verir.
Necə istifadə olunmalıdır?
Saç uzanmasını dəstəkləmək üçün gün ərzində 30–40 qram acı şokolad qəbul etmək tövsiyə olunur. Lakin bu miqdardan çox istifadə etmək əlavə kalori qəbuluna və digər mənfi təsirlərə səbəb ola bilər.
XƏBƏR LENTİ
19 Iyul 2025
ŞƏRHLƏRŞƏRH YAZ