Onlayn ictimai-siyasi qəzet
Britaniya təlimlərdə iştirak etmək üçün Avropaya 8 minə yaxın hərbçi göndərəcək
Böyük Britaniya təlimlərdə iştirak etmək üçün Şimali və Şərqi Avropaya 8 minə yaxın hərbçi göndərəcək.
AZƏRTAC Sky News telekanalına istinadla xəbər verir ki, Avropada Britaniya kontingentinin sayında pik nöqtə aprel – iyun aylarına təsadüf edəcək.
“Soyuq müharibədən bu yana ən iri birgə manevrlər çərçivəsində qoşunlarımız NATO-dakı müttəfiqlərimiz və tərəfdaşlarımızla, həmçinin Birləşmiş Ekspedisiya Qüvvələri ilə birləşərək həmrəylik və güc nümayiş etdirəcək”, - deyə Böyük Britaniyanın müdafiə naziri Ben Uolles bildirib.
Finlandiyadan Şimali Makedoniyaya qədər olan əraziləri əhatə edəcək təlimlərə onlarla tank və 100-dən çox zirehli döyüş maşını da cəlb olunacaq. Britaniyanın quru qoşunlarının komandanı general-leytenant Ralf Vudiss təlimlərin əsas məqsədinin “Rusiya təcavüzünün qarşısını almaq” olduğunu deyib.
XƏBƏR LENTİ
08 Oktyabr 2024
ŞƏRHLƏRŞƏRH YAZ