Onlayn ictimai-siyasi qəzet
Britaniya Estoniyada türmə kirayələyəcək – özündə yer çatışmır
Böyük Britaniya hökuməti Estoniya və bir sıra digər Avropa ölkələri ilə krallığın penitensiar müəssisələrində yer çatışmazlığı səbəbindən cinayətkarların onların ərazisindəki həbsxanalarda yerləşdirilməsi ilə bağlı danışıqlar aparır.
Musavat.com xəbər verir ki, bu barədə Times qəzeti məlumat yayıb.
Bundan əvvəl Böyük Britaniyanın Ədliyyə Nazirliyinin rəhbəri Aleks Çalk hakim Mühafizəkarlar partiyasının Mançesterdə keçirilən qurultayında çıxışı zamanı bildirib ki, hakimiyyət İngiltərə və Uelsdə mühakimə olunan cinayətkarların cəzalarını xaricdə çəkə bilmələri üçün qanunvericiliyə dəyişiklik etməyi planlaşdırır. Krallığın Ədliyyə Nazirliyi qeyd edib ki, əvvəllər Belçika və Norveç də analoji tədbirlər görüb, onlar öz məhkumlarını Hollandiyadakı həbsxanalarda yerləşdiriblər.
Qəzetin qeyd etdiyi kimi, Britaniya həbsxanalarında yer çatışmazlığı müxtəlif cinayətlərə görə məhkumlar üçün orta cəzanın sərtləşdirilməsi fonunda müşahidə olunur. İngiltərə və Uelsdə hazırda cəmi 768 həbsxana var. Hökumətin proqnozlarına görə, dekabr ayına qədər Böyük Britaniyada 89 mindən çox məhbus olacaq. 2019-cu ildə parlament seçkiləri ərəfəsində mühafizəkarlar 20 min nəfərlik əlavə həbsxanalar tikəcəklərini vəd etmişdilər. Hazırda bu planların yalnız dörddə biri yerinə yetirilib.
Musavat.com
XƏBƏR LENTİ
03 Oktyabr 2024
ŞƏRHLƏRŞƏRH YAZ