Onlayn ictimai-siyasi qəzet
“Bolt”un sürücüləri də boykota qoşulub? – Şirkət açıqladı
“Bolt” şirkətinin aprelin 2-də gündəlik fəaliyyətində və ümumi iş prosesində əhəmiyyətli bir dəyişiklik qeydə alınmayıb.
Bu barədə Musavat.com-un sorğusuna cavab olaraq şirkətdən bildirilib.
Qeyd olunur ki, “Bolt” şirkətinin əsas məqsədi göstərilən xidmətin yüksək səviyyədə həyata keçirilməsini təmin etmək, həm sərnişinlərin, həm də tərəfdaş sürücülərin təhlükəsizliyini və rahatlığını qorumaqdır:
“Şirkət əməkdaşlıq etdiyi bütün sürücülərin qaydalara riayət etməsi və təhlükəsizlik standartlarının qorunması ilə bağlı sərnişinləri mütəmadi olaraq məlumatlandırır. “Bolt” şirkəti qanunun və fikir ifadəsinin yalnız hüquqi yollarla həyata keçirilməsinin tərəfdarıdır. Şirkətimiz daim mövcud qanunvericiliyə uyğun şəkildə fəaliyyət göstərir və tənzimləyici qaydalara tam riayət edir. Eyni zamanda müvafiq dövlət qurumları ilə əməkdaşlığı yüksək qiymətləndirir”.
Qeyd edək ki, aprelin 2-də taksi sürücüləri Azərbaycan Yerüstü Nəqliyyat Agentliyinin (AYNA) qaydalarına etiraz olaraq fəaliyyət göstərməyəcəklər.
Sürücülər taksi dayanacaqlarının sayının artırılmasını, sərnişin götürmək və ya endirmək üçün avtobus zolaqlarından istifadəyə icazə verilməsini, minimum qiymətə maksimum məsafə həddinin müəyyənləşdirilməsini istəyirlər.
Afaq Mirayiq,
Musavat.com
ƏLAQƏLİ XƏBƏRLƏR
XƏBƏR LENTİ
03 Aprel 2025
ŞƏRHLƏRŞƏRH YAZ