Onlayn ictimai-siyasi qəzet
BMT baş katibi: “Türkiyə və Suriya xalqı üçün ayağa qalxmaq vaxtıdır”
“Türkiyə və Suriya xalqı üçün ayağa qalxmağın vaxtıdır”.
“Report” xəbər verir ki, bunu BMT baş katibi Antoniu Quttereş tviter hesabında yazıb.
“Mən Türkiyəyə və Suriyaya dəfələrlə səfər etmişəm.
Milyonlarla məcburi köçkünə evlərini və qəlblərini açan insanların həmrəyliyini heç vaxt unutmayacam.
İndi o evlər dağıdılıb və o ürəklər parçalanır. Türkiyə və Suriya xalqı üçün ayağa qalxmağın vaxtıdır”, - BMT rəhbəri sosial şəbəkə hesabında yazıb.
Xatırladaq ki, fevralın 6-da Türkiyənin cənub-şərqində 9 saat fərqlə 7,7 və 7,6 maqnitudalı iki zəlzələ baş verib. Son məlumata görə, zəlzələ nəticəsində 17 674 nəfər ölüb, daha 72 879 insan yaralanıb.
Güclü zəlzələlərdən sonra bölgədə maqnitudası 6,6-ya çatan yüzlərlə afterşok qeydə alınıb.
XƏBƏR LENTİ
30 Sentyabr 2024
ŞƏRHLƏRŞƏRH YAZ