Onlayn ictimai-siyasi qəzet
BƏƏ Prezidenti yeni vitse-prezident və Əbu-Dabinin vəliəhdi təyin edib
Birləşmiş Ərəb Əmirliklərinin (BƏƏ) Prezidenti və Əbu-Dabinin hökmdarı Şeyx Məhəmməd bin Zayed Əl Nəhyan yeni vitse-prezident, həmçinin Əbu-Dabi vəliəhdi və iki hökmdar müavini təyin edib.
“Report” TASS-a istinadən xəbər verir ki, bu barədə BƏƏ xəbər agentliyi məlumat yayıb.
Federal Milli Şuranın təsdiqi ilə Şeyx Məhəmməd çərşənbə günü qardaşı Şeyx Mənsur bin Zayed Əl Nəhyanı BƏƏ-nin baş naziri və Dubay hökmdarı Şeyx Məhəmməd bin Rəşid Əl Məktumla birlikdə çalışacaq vitse-prezident təyin edilməsi haqqında fərman verib. Yeni vitse-prezidentin təyin olunması ilə dövlət başçısının eyni anda iki müavini olacaq.
Şeyx Xalid bin Məhəmməd Əl Nəhyan Əbu-Dabinin vəliəhd şahzadəsi olub. Dövlət başçısı həm də prezidentin milli təhlükəsizlik üzrə müşaviri vəzifələrində çalışan qardaşları, şeyxlər Həzzə və Təhnuanı əmirlik hökmdarlarının müavinləri təyin edib.
XƏBƏR LENTİ
08 Oktyabr 2024
ŞƏRHLƏRŞƏRH YAZ