Onlayn ictimai-siyasi qəzet
Banklar bu dollarları qəbul etməkdən kütləvi şəkildə imtina edir - Nə baş verir?
Rusiya bankları vətəndaşlardan zədələnmiş dollar əskinaslarının qəbulunu demək olar ki, tamamilə dayandırıblar.
Bu barədə “İzvestiya” yazır.
Ekspertlərin xəbərdarlıq etdiyi kimi, bundan sonra ruslar ləkələri, aşınmaları, su izləri və digər, hətta ən minimal qüsurları olan əskinasları qəbul etməyəcəklər. Hətta əvvəllər həmin bank filiallarından alınmış əskinaslarda da problemlər yaranır.
Bank nümayəndələri izah ediblər ki, nağd dolların qəbulu şərtlərinin dəyişdirilməsi onunla bağlıdır ki, valyuta alıcıları xaricdə ödəniş kimi qəbul edilmədiyi üçün qüsurlu əskinasları almaqdan imtina etməyə başlayıblar.
Ekspertlər onu da izah ediblər ki, əvvəllər Rusiya maliyyə qurumlarının ən böyük Amerika bankları ilə birbaşa müqavilələri olub, ona görə də onlar hər hansı zədələnmiş əskinasları komissiya ilə qəbul edib, sonra çıxarıb dəyişdirə bilərlər.
Lakin sanksiyaların tətbiqi ilə əlaqədar bütün bu razılaşmalar dayandırılıb. Banklar bildiriblər ki, bundan sonra dəyişdirmək üçün yalnız yüksək keyfiyyətli əskinasları qəbul edirlər. Eyni zamanda, bütün dünyada dollar əskinaslarının yalnız mükəmməl vəziyyətdə dəyişdirilməsi tendensiyası müşahidə olunur./Publika.az
XƏBƏR LENTİ
25 Noyabr 2024
ŞƏRHLƏRŞƏRH YAZ